Bir dəfə yaşayırıq biz by dünyada,
Çalışaq ki,ömrü verməyək bada,
Öləndən sonra da düşməkçün yada
Nə isə iz qoyub köçək həyatdan...
***
Ömrümüz bir nağıl,sirli macəra,
Bir gün qışa düşür,bir gün bahara,
Tapmırıq heyif ki,ölümə çarə,
Nə isə iz qoyub köçək həyatdan...
***
Gəzirik dünyanın yeddi qatını,
Hər yana çapırıq ömrün atını,
Əzrayıl salınca boyuna çatını
Vaxt gəlir könüllü düşürük atdan,
Nə isə iz qoyub köçək həyatdan..!