Mən beləyəm-sən elə!

 

Sən gəzdiyin yerləri gözlərimlə öpmüşəm,

Ayağının altına şux çiçəklər səpmişəm,

Sən bu məhəbbətimi yenə də az bilmisən,

Mənim əzablarıma narın-narın gülmüsən.

Mən beləyəm-sən elə!

***

Vaxt olub ki,özünü vurub görməməzliyə

Bilməmişəm heç niyə,

Yanımdan bir yel kimi

Keçmisən saymazyana.

Sən eləsən-mən belə!

***

Barışmağın bir həftə

Küsməyin bir ay çəkir.

Sevirik bir-birimizi

Buna zərrə şübhə yox.

Mən səni səndən də çox,

Sən məni məndən də çox.

Eşqimizin mahnısı yayılsın eldən-elə,

Sən eləsən-mən belə,

Mən beləyəm-sən elə!