MƏHSƏTİ ŞEYDA ƏLİ QIZI - BƏLKƏ DƏ ... HEÇ YOXSAN ...
Geymişəm EŞQini ruhuma Payız
Gəzirəm məcnuntək tək tənha yalqız ...
Vurnuxur gözlərim axtarır səni
Görənlər deyirlər ... dəlidir bu qız ...
Gah yerlə gah göylə danışıram mən
Gah da ki xəzələ qarışıram mən ...
Xəzəl yarpaqları basıb bağrıma
Hardadır Payızım soruşuram mən ...
Səsimə səs vermir mənim sonbahar
EŞQimə dil deyib buludlar ağlar ...
Kəsilər ümidi ümidimin də
Könlüm sənsizliyin yasını saxlar ...
Dünya sədaqətlə sınayır məni
İradəm gülərək qınayır məni ...
Könlümü zəbt edib sənsiz qəm kədər
Sanki qəm qurbanı o sayır məni ...
Beləcə ay ötür illər dolanır
Sənin varlığını vüsal da danır ...
Bəlkə də ... heç yoxsan... bəlkə xəyalsan
Ruhum xəyalını öz EŞQi sanır ...
Ruhum xəyalını dəli tək anır .