Həsrətinə dayanmağa,
Başı qarlı dağdı könlüm.
Taqəti yox ovunmağa,
Viran olan bağdı könlüm.
***
Ahım çatar göy üzünə,
Tanrı inanmaz sözümə,
Düşüb qalım izlərinə,
Bir səs, bir sorağdı, könlüm.
***
Yandı bağrım, yaman dolub,
Göz yaşlarım lehsan olub,
Arzularım vaxtsız solub,
Bu necə bir çağdı könlüm.
***
Bir dünyam var sən adında,
İsmim qalmaz heç yadında,
Sənə çatmır harayım da,
Eh, yenə fərağdı könlüm.
***
Çatladı səbrim daşı,
Yüzdür həsrətimin yaşı,
Kimlə olum dərd yoldaşı?
Ömrümə yaraqdı könlüm.
***
Qəm yükümü çəkim gedim,
Bircə ümid əkim gedim,
Xəyal tək çəkilim, gedim,
Eşqin ağ varağı kölüm.
***
Bu yolların sonu zulmət,
Hey gözləyir bizi möhnə,
Buraxın ölüm etmə zəhmət,
Niyə hələ sağdı könlüm.
Fərqanə Yusifqızı