Mənsizliyə alış daha, çarə nə,
Yazdıqların yetər daha, bəsimdi.
Sən də artıq yığ gözünü yollardan,
Ümidini bircə yolluq kəs indi.
***
Gecə gündüz giley etmə baxtına,
Rahat-rahat davam et həyatına,
Meylini sal bir təsəlli saytına,
Yeni "sevdan" üçün gurla, əs, indi.
***
Söylə ona sevdim səni bəstəboy,
Cümlə bitsə sona çoxlu nöqtə qoy.
Romantik ol, şeir söylə-"yandım oy",
Xoş günlərin heç olmasın nəs indi.
***
Bu oyunun əvvəli var, sonu yox,
Sənin kimi "eşq dəlisi" çoxdu çox,
Hədəfinə qoy dəyməsin yalan ox,
Sən də otur, artıq eylə pəs indi.
Fərqanə Yusifqızı