Uğuldayır başımda
sənsizliyin rüzgarı.
Xatirələr xəzəl kimi
süpürür hislərimin küncünə...
Səni yenə and verirəm
həsrətin vüsal gününə
eşqlərin ən böyüyünə
get yaddaşımdan,
qısası get başımdan!!!
Mən də içimdəki yelkənsiz gəmimlə
üzüm yalqızların limanına.
Lövbər atım arzuların gümanına.
Kim bilir bəlkə oralardadı o adam!
yağmurumda islanacaq.
Gözlərimə baxa-baxa
Dərdim ilə yaşlanacaq.
Sən isə axtar şans mələyini
başqa yerdə, məndən uzaq bir dənizdə
əsdir xəzri küləyini....
Fərqanə Yusifqızı