Susaraq silər qadın
Xəbərin belə olmaz.
Əvvəl adını silər,
Birdəfəlik unudar.
Sonra baxışlarını
Siləcək yaddaşından,
Düşünər ki, qorxulu
Yuxuymuşsan məsələn.
Əslində həyatına
Nə gələn var, nə gedən.
Susaraq silər qadın,
Dediyin hər kəlməni
Heca-heca unudar.
Əlinin yaddaşından
Əlinin istisini,
Yatağından ətrini,
Və....
qiymətli xətrini...
Silər, ruhun duymadan..
Paramparça olarsan,
Heç yanın qırılmadan.
Susaraq silər qadın...
Silər...
günəş doğmadan..
Fərqanə Yusifqızı