Bu gecə yuxuma gəlmisən yenə,
Gəlmisən qızına sən baş çəkməyə,
Uzatdım əlimi toxunum sənə,
Uzaqsan...
yaxınlaş bir az yanıma,
İzin ver ruhunu öpüm, ay ana.
***
Nə vaxtdır gözümü yolda qoymusan,
Bəlkədə qızından artıq doymusan,
Kədər marağıma gələn toymusan?
Dodağım toxunmur gül yanağına,
İzin ver ruhunu öpüm, ay ana.
a
***
Səsin qulağıma süzülsün yenə,
Xoşbəxtlik qapıma düzülsün yenə,
Nazlanım, dodağım büzülsün yenə,
Sən yoxsan,
Qalmışam bax, yana-yana,
İzin ver ruhunu öpüm, ay ana.
***
İçimdə nə qədər sözüm var yenə,
Səndən yaxın sirdaş yox imiş demə,
Gedərkən qoy mən də qoşulum sənə,
Sığını əbədi qoy qucağına,
İzin ver ruhunu öpüm, ay ana.
Fərqanə Yusifqızı