Səndən uzaqlarda keçmir bu həyat
Ürək həsrət, sevgi həsrət, mən həsrət.
Səndən uzaqlarda qəlbim quraqlıq
Bulud həsrət, yağış həsrət, çən həsrət.
***
Səndən uzaqlarda hər mövsüm qışdı
Sənsizlik hər gecə mənlə boğuşdu.
Ruhum torpaq üstə qanadsız quşdu
Hava həsrət, yuva həsrət, dən həsrət.
***
Səndən uzaqlarda yoxdu xətirlər
Qələmin ucuna gəlmir sətirlər
Mən vüsal yazıram qəm gətirirlər
Şeir həsrət, misra həsrət, bənd həsrət.
Fərqanə Yusifqızı