Köçəydim dünyadan yağmurlu gündə
Yağış çiləyəydi qara tabuta.
Mənim bu hüznlü, dərdli günümdə,
Laqeyd insanlar dönər kabusa.
***
Ağlayan tapılar bir-iki nəfər,
Hər kəsin üzünə yağış çilənər.
Nəm dolu gözlərə baxıb bir təhər,
Ruhum göydə ucub yaman sevinər.
***
Ölmək istəyirəm yağmurlu gündə,
Yağışın səsini son dəfə duyum.
Damlalar dolaşsın şəklim önünüdə
Yağmura qarışıb rahat uyuyum.
***
Yağış yağsın bir az torpaq yumşalsın,
Bezməsin amandı, məzar qazanlar.
Qaralan buludlar tamam boşalsın,
Mənə ağı desin dəli ozanlar.
Fərqanə Yusifqızı