Özün ol, özünü axtar,
Səni unudub yaradan.
Özün ol, özünü axtar,
Xatırla gəldin haradan?
Özün ol, özünü axtar,
Kompasın çıxıb sıradan.
Özün ol, özünü axtar,
Çıxa bilməkçün aradan.
Uşaqlığında tabut var.
Gəncliyində baş daşları
Qocalığında sükut var,
Ölümündə göz yaşları.
Hardan gəldiyini bilmir
Hara getdiyini demir.
Saçları ağ, özü cavan
Gözlərində qırmızı qan.
Kimdir o?
Kimsən sən?
Kiməm mən?
OR Cuvarli