Gözlərimin payızı
Ürəyimin hönkürtüsü gözümdə
Ha danışsam, ha dinsəm də sevinmir.
Gözlərimin fəsli niyə dəyişmir?
Bu payızın sonu nə vaxt- bilinmir.
Yumaq kimi bükülürəm.
Ürəyimdən parçalanıb, sökülürəm.
Yarpaq- yarpaq saralıram, tökülürəm.
Bu payızın sonu nə vaxt- bilinmir.
Gecə olar kipriklərim yumular,
Göz yaşlarım gözlərimdə uyuyar.
Səhər yenə təkrar ,"hava'" soyuyar.
Gözlərimin fəsli niyə dəyişmir?
Bu payızın sonu nə vaxt- bilinmir.
Yumaq kimi bükülürəm.
Ürəyimdən parcalanıb, sökülürəm.
Yarpaq-yarpaq saralıram, tökülürəm.
Bu payızın sonu nə vaxt- bilinmir.
Bu payızın sonu nə vaxt bilinmir.
Günahsız körpələr
Laylardan doymayıblar,
Hələ rahat yatmayıblar,
Axı kama catmayıblar
Hara gedir yolun dünya?
Hara gedir sonun dünya?
Körpələrə dəymə belə
Sənə qurban olum dünya.
Biz görəni görməyiblər,
Biz sevəni sevməyiblər,
Hec doyunca gülməyiblər.
Hara gedir yolun dünya?
Hara gedir sonun dünya?
Körpələrə dəymə belə
Sənə qurban olum dünya.
Çək üstündən çən -dumanı,
Düşmənə vermə amanı,
Səni bu günə salanı
Sal yoluna canım dünya.
Körpələrə dəymə belə
Sənə qurban olum dünya.
Müəllif:Nəcibə Vüsal