Qadin.NET / Dərd döyməsin qapımızı

Dərd döyməsin qapımızı

 

Dərd döyməsin qapımızı

 

Xədicəm

Oyuncaqlar küsüb səndən 

İncidilən əllərinə qurban olum. 

Üz-gözünə bəzək verən 

İpək-qara tellərinə qurban olum. 

Dindirəndə bilinməyən 

sirin-səkər sözlərinə ,

Güldürəndə gülümsəyən 

gözlərinə qurban olum . 

Xumar-xumar yatışına ,

Süzgün-süzgün baxışina ,

Kövrələndə o büzülən dodağına, 

Ağlayanda gözlərinin yağışına 

qurban olum. 

Bir incimsən, birdənəmsən . 

Xədicəmsən, gül dənəmsən. 

Sevimlimsən, ilk nəvəmsən. 

Sən tanrının göndərdiyi 

Ən qiymətli hədiyyəmsən .

Gəlişinə qurban olum. 

 

 

Mənə qayıdacaqsan!

Nə olsun ki, getmisən 

Getmək unutmaq deyil. 

Qarşını kəsəcəklər 

mənli xatirələrin.

Qəlbinə xəncər olub 

səni sızladacaqlar. 

Gözlərində yaş olub 

səni ağladacaqlar.

Addım-addım izləyib 

səni bezdirəcəklər. 

Təzə eşq sevdasini 

sənə sildirəcəklər. 

Sən sevə bilməyəcən.

Sən baxa bilməyəcən 

başqasinin gözünə. 

Orda məni görəcən .

Yuxun ərşə çəkilib 

Gündə min yol öləcən. 

Peşiman olacaqsan.. .....

Ağlayan söyüdlər tək 

başın yerdə gəzəcək. 

Sən də ağlayacaqsan. 

Mənli xatirələrin 

düşüb bir gün izinə 

Mənə qayıdacaqsan 

Mənə qayıdacaqsan. 

Getmək unutmaq deyil.

 

Dərd döyməsin qapımızı

 

Dərd döyməsin qapımızı

Böyüyərik, yaşlaşarıq.

Qayğılar da yanımızda 

Böyüyərlər ,

Dəyişərlər .

Biri gələr, biri gedər 

Gözlənməyən qonaq kimi,

Biri qəfil qapı döyər.

Qayğıların həbsindəyik.

Əllərimiz səbrimizin iplərində .

Bəzən bizə yoldaş olub rahatladar, 

Bəzən isə qəlbimizdən daş asdırar.

Hər qayğı bir məsələdir .

Öz yolu var,öz həlli var. 

Sonunda bir qiyməti var .

Yüklənmişik qayğılara 

Üşüsəkdə kölgəsində, 

Qızinmağa istisi var.

Eybi yoxdur 

Qayğı döysün qapımızı. 

Dərd döyməsin. 

Dərd acıdır, dərd əzabdır ,

İşgəncədir. 

Cavabsiz bir məsələdir. 

Nə yolu var, nə də həlli. 

Dərd ağırdır bölmək olmur 

Dərd yükünü çəkmək olmur........

Müəllif: Nəcibə Vüsal

7 sentyabr 2015
GO BACK