Gecə-ömrümün yarısı
Yağış-dərdimin parası
Payız-kədərimi geyən
Qış-qapını qəfil döyən
Ulduz-əlçatmaz arzumdu,
Şer-oğlumdur,qızımdır
Sirdaş-qəlbə yuva salan
Övlad-məndən mənə qalan
Sevgi-qəfil itirdiyim
Ömür-başa yetirdiyim
Arzu-uzaqda qalanmış
Vüsal-sen demə yalanmış
Dost-hərdən xəyanət edən
Gənclik-məni atıb gedən
Dünya-yaşamaq həvəsi
Həsrət-ömrümün son nəfəsi
Ölüm- başıma fırlanan
Anam-hər dərdimə yanan
Cənnət-toxunulmaz nəfəs
Bədən-ruhumuza qəfəs
Nəğmə-könül pıçıltısı
Söz-ürəyin çırpıntısı.....