Dedin ki, göz yaşı gətirdim sənə
Daha gözlərində nəm olmayacam
Nə olar bu gecə gəl mənimlə ol
Bəlkədə səhəri mən olmayacam.
Dedim danış mənlə dinləyim səni
Dedin incidərmi sevən sevəni
Bir də incitmərəm səni mən yəni
Üzünün kədəri mən olmayacam.
İnsan ölər, ruh tərk edər bədəni
Amma unutmaz ki, sevən sevəni
Gözləri hər yerdə gəzəndə məni
Yox onun xəbəri mən olmayacam.
Mən səni sevmişdim dünyalar qədər
Olmazdı qəlbimdə qüssə qəm kədər
Daha yoxsan həyatım olubdu zəhər
Bəlkə bu axşam da mən olmayacam.
Sənsiz yaşayarmı bu tənha canım?
Sənsiz işləyərmi bədəndə qanım?
Axı yoxsan səni necə var sayım?
Sən olmayan yerdə mən olmayacam.
Deyirdin səninəm torpağın oldun
Bir gecə röyada gəldin yanıma
Ağladın sızladın keçdin qarşıma
Oyandım bir anlıq gəldi ağlıma
Deyirdin səninəm torpağın oldun.
Aylara illərə daha yox dözüm
Sənsizəm, tənhayam daha yox dözüm
Durmadın sözündə ay canım gözüm
Deyirdin səninəm torpağın oldun.
Ağacda saralan son yarpaqları
Külək aparar torpağa sarı
Olmayaydı insanların bu yalanları
Deyirdin səninəm torpağın oldun.
Kaş ölərdim daha yaşamazdım
Kaş ölərdim daha ağlamazdım
Kaş ölərdim sənə inanmazdım
Deyirdin səninəm torpağın oldun.
Çoxdandır gəlmirsən daha yuxuma
Bəlkə yazığın gəlir mənim bu halıma
Yalvarıram cavab ver bu sualıma
Bəs deyirdin səninəm?Torpağın oldun.
