"Sevgililər qovuşanda"
Sevgi aləminə düşəndən bəri,
Unutdum mən qəmli, ötən günləri.
Ən xoş anlarımı yaşayıram mən,
Çünki yanımdadır sevdiyim pəri.
Bir gülüşü mənə həyat bəxş edir
Bilmirəm qəm nədir, göz yaşı nədir!
İkilikdə sanki bizimdir həyat.
Mən onu sevirəm, o məni sevir!
Hər sözü qəlbimdən gələn bir səsdir
Gülüşü-duruşu mənə həvəsdir,
Deyin bir mən onu necə sevməyim?
Anlatmaqçun onu işarəm bəsdir!
Soruşsalar: "Nə qədər ömür sürmüsən?"
Sevib-sevildiyim vaxtı deyərəm!
Desələr: "həyatda xöşbəxt görmüsən?"
Sevib-sevilənlər çoxdur söylərəm!
"Arayıram səni mən"
Demə niyə gözünə belə çox baxıram mən?
Baxışlarında eşqə nişanə arayıram.
Səni gördüyüm gündən eşqinə əsir oldum.
Sənə bir söz deməyə bəhanə arayıram!
Mən eşqimi verməyə bil səni arayıram!
Qalan ömrü bölməyə gəl səni arayıram!
Arayıram səni mən birgə xoş günlər üçün,
Unut qəmi kədəri gül səni arayıram!
Məhlənizdə o başa, bu başa dolaşıram
Gözüm qapınızdadır, demə"nə arayıram?"
Özün yaxşı bilirsən sənin üçün gəlmişəm.
Sən görüşməyə bir yer de mənə arayıram!
Eşqsiz qəlbim zülmətdir, ümidimsə sənədir,
Qəlbimə nur çilə sən bir işıq arayıram!
Küsmüsən neçə vaxtdır, səbəbini bilmirəm
Naz etdiyin di bəsdir, barışıq arayıram!
Yolunda durub sənin izini arayıram!
Çox görmə baxışını, gözünü arayıram!
Arayıram səni mən ey, qəlbimin hakimi
Sevdiyini de mənə, sözünü arayıram!
Bu bir yolun sonudu, bir yolunsa əzəli
Qoşa gedəcəyimiz yolları arayıram!
Sənin sevginə layiq olacağım günləri
Səadətli ayları, illəri arayıram!
"Dönmərəm daha"
O görüş yerinə çıxma nahaqdan
Şəklimi qoynuna sığma nahaqdan,
Həsrətlə üzümə baxma nahaqdan
Mən sənin yanına dönmərəm daha.
Qıysanda canına dönmərəm daha.
Əğyarın sözünə uyub, inandın
Məndən üz döndərdin, dedin-usandın...
İndi bilirsənmi necə aldandın?
Neçə kəs yalvarsan dönmərəm daha.
Qıysanda canına dönmərəm daha.
Adımı sənv saldın de yadındamı?
Seçdiyin o oğlan de yanındamı?
Söndü qəlbimdəki o eşqin şamı!
Səninçün alışıb-yanmaram daha.
Qıysanda canına dönmərəm daha.
Amansız sən oldun qıydın eşqinə
Başqa eşq aradın dövlət xətrinə
Sevirəm desən də indi fərqi nə?
Qəlbimdə sənə yer vermərəm daha.
Qıysanda canına dönmərəm daha.
Əğyarın əlinə dəyibsə əlin
Mənə bir kəs yalan deyibsə dilin
Görsəmdə gözündə göz yaşı selin,
Mən sənə inana bilmərəm daha.
Qıysan da canına dönmərəm daha.
Qırmısan qəlbimi, bitişən deyil,
Yolumuz bir daha kəsişən deyil,
Ayrılıq taleyi dəyişən deyil,
Ürəyim səninlə barışan deyil,
Gəlsən də yalvara, sevmərəm daha.
Diz atıb yalvarsan dönmərəm daha.
Qıysan da canına, dönmərəm daha.