Sevgi Allaha, anaya, ailəyə, həyat yoldaşına, övladına və sair və ilaxır...
Mən sevgimi şeirlərimlə ifadə edə bilirəm... İnşAllah bəyənərsiniz .
İslama dəvət
Hər işin başında de "Bismillah!"
Şükr et tapdığına de "Əlhəmdulillah"
Unutma eşidir, görür tək Allah
İman et, namaz qıl! Ay bərəkallah!
Dinimiz İslamdır, kitabımız Quran
Torpaqdan yaradıb, bizi yaradan
Cismin son mənzili elə torpaqdır
Haqq dünyasına ruh gedər,insan!
Adəmin Həvvanın cənnət məkanı
Gözləyir mömini, əhli İslamı.
Cəhənnəm əzabı haqq dünyasında,
Yandırar Şeytanı, ona uyanı,
Ya lənət aparar, ya da ki rəhmət,
Unutma bir fərz var, bir də ki sünnət.
Qəlbinlə, canınla Allaha tapın
İnşallah cənnəti eləyər qismət.
Tək Allah, mələklər, İslama inan
Peyğəmbərə inan, son kitab "Quran"
Tövbə et, haramdan uzaq dur, bəndə!
Rəhimdir, Rəhmandır, keçər günahdan...
Unuda bilmədim
Bir zaman unutmaq istədim səni
Amma xəyalından qaça bilmədim.
Sənli xatirələr izlədi məni
Sənsiz də, qəlbimdən səni silmədim.
Birgə o çağları hey xatırladım
Düşündükcə səni gözüm yaşardı..
Mən sənsiz qalanda bunu anladım
Ən gözəl çağlarım, sənli çağlardı.
İndi rəsimləri cırıb atıram..
Fikrimdən siləcəm bəs səni necə...
Mən özüm özümü hey aldadıram
Axı fikrımdəsən hər gün, hər gecə.
Bu ayrılıq da mənə yetmədi..
Səndən uzaqdayam... sən xəyalımda
Sənə olan eşqim sönüb, getmədi
Sənlə sevişirəm röyalarımda.