Ağla intizarda qalan gözlərim...
Qəlbimi dağladım
gözüm kor oldu.
Coşaraq çağladım
gözüm kor oldu.
Mən yarə ağladım
gözüm kor oldu.
Bəsdi ahu-zarda qalan gözlərim.
Necə olsun qarə həyat mənə acı ,
Çox gözəldi yarə həyat mənə acı.
Şirindi əğyarə həyat mənə acı ,
Kordu ruzigarda qalan gözlərim.
İnanmıram sənin qismətindəyəm ,
İndi solmuş eşqin əziyyətindəyəm,
İndiyəcən sənin həsrətindəyəm,
Necə dönsün yarda qalan gözlərim?!
Eşq
Eşqdir yaşadan məni, eşq ilə bahəm ,
Eşqsiz yaşasam dar gələr bütün aləm.
O gündən ki, mən səni gördüm ,səni sevdim
Bülbül gülə həmdəm təki oldum sənə həmdəm.
Sənsizliyə alışmayıram ,dözməyirəm mən.
Ancaq fikirləşir bu xəyalım səni hər dəm.
Eşq atəşində yananda pərvanə olarsan ,
Onun üçün oluram mən hər gecələr şəm.