Sevgi ülvidir, müqəddəsdir,
Sevgi danılmaz bir hissdir,
Sevgi sevənin qismətidir
Deyərdilər, eşidərdim əvvəllər.
Bu sözlər yad idi o anlar mənə
Bu hisslər uzaqdı o günlər mənə,
Sevmək istəyirdim, sevə bilmirdim
Qəlbimə yaxın şəxs tapa bilmirdim.
Günlərin bir günü bu ülvi hisslər
Döydü qəlbimin sevgi qapısını,
Sevdim, sevginin dadını bildim
Acılı-şirinli uzun yol keçdim.
Sevdiyim şəxs məndən uzaqda,
Gözlərim qalmışdı hər an yollarda.
Zəngini gözlərdim hər an, hər saniyə,
Zəng gəlmədikdəsə düşərdim qəmə.
Bu sevgi o qədər dərin idi ki,
Telefonun zəngini eşidən zaman
O an bilərdim, odur ay aman!
Səsini eşidib duyduğum zaman,
Sağalardı qəlbimdə o həsrət, yaram.
Hələ görüşləri deməyirəm mən,
Ondan başqasını görməyirəm mən.
Hər görüş həyəcanlı ilk görüş kimi
Əsərdi əllərim, titrərdi qəlbim.
Ayaqlar güc ilə tab gətirərdi,
Gözlərim hey onu görmək istərdi.
Hər görüş həyatıma qızıl hərflərlə
Xoşbəxtlik, səadət həkk edərdilər.
O zaman dünyada ən xoşbəxt qadın,
Bunun üçün minnətdaram sənə, Allahım.
Bəzən bütün sevənlər kimi
Sadə bir şey üstə dalaşardıq da,
O zaman başlardı qara günlərim
Dünyam qaralardı, qəlbim ağlardı.
Gözlərim yaş töküb elə hey ağlardı,
Çox keçməz onunla barışardıq da,
Etdiyimiz səhv üçün peşman olardıq.
Beləcə günlər, həftələr keçdi,
Toy üçün müvafiq bir gün seçildi.
Axır ki qovuşduq bir-birimizə,
Xoşbəxtlik gəldi günlərimizə.
Artıq neçə ildir evlənmişik biz,
Xoşbəxtlik, səadət dilər qəlbimiz.
Uca tanrıdan ən böyük diləyimiz
Bu həyat yolunu bir yerdə keçək,
Son nəfəsədək bir yerdə olaq.
Müəllif: Deniz84