Vaxt gələr ki, vəfasız,
Məni də unudarsan,
Xatirəndən silərək
Bir kənara atarsan,
Olanları danaraq
Yeni ocaq çatarsan,
Hər yetəni, eləcə
Sevərsən, unudarsan.
Aldadaraq, yoraraq,
Uyarsan, uduzarsan.
Bugününlə tapışıb,
Bugününlə uyuşub
Dünənindən qaçarsan.
Səadət harayında
Yeni yollar araraq
Tapdaqaltıca olmuş
Cığırlarla gedərsən.
İsinib ovunaraq
O yalan sevgilərin,
O yalan vədələrin
İlğımındaca hər an,
Həyatı dəyişərsən,
Yeni duyğularla sən
Büsbütün alışarsan.
Vaxt gələr ki, vəfasız,
Məni də unudarsan,
Məni də itirərsən...
Süsən Anar