Sən ağlını itirmiş bir şairin son şeiri...
Yarpaqlarını tökən bir ağacın son yarpağı..
Yer üzünə yağan sonuncu qarsan
Sən bitən hər şeysən.
Sən inanılmaz gözəllikləri gətirib
Ən gözəl zamanında onları aparan birisən.
Sən ağlarkən gözlərimdən düşən damlalar.
Danışarkən belə deyə bilmədiyim
İçimdə gizlətdiyim ən gözəl sözlərimsən.
Sən hər kəsin yaşamayacağı
Yaşasa belə anlamayacağı
Ən gözəl şeysən.
Sən yağışdan sonra parlayan göy üzü qədər gözəl
Göyqurşağı qədər inanılmazsan.
Sən üfüqlərdə parlayan günəşdən daha isti
Qütblərdəki buzlardan daha soyuqsan.
Sən ən qəribə olansan, sən ən ecazkarsan,
Axı sən sevgisən!!!