Boğ o məhəbbəti bacarırsansa
Bilirəm o sənə heç gərək deyil.
Uzaqlaş ömrümdən, uzaqlaş barı
Şirinin yoxdursa, acı da vermə.
Bu gün hansımızsa bir az qəddarıq
Mən belə deyildim, sən belə etdin.
Sən isə əzəldən elə beləydin
Mən sənin nəyini sevmişdim görən?
Gedirəm, rahat ol, yolun açıqdır
Qəribə insansan, məntiqin yoxmuş.
Sənə yaxınlaşıram, uzaqlaşırsan
Səndən uzaqlaşanda yaxınlaşırsan.
Boğ o məhəbbəti bacarırsansa,
Çətin olmayacaq bu sənin üçün.
Heç incitməyəcək bu gediş səni
Bəlkə də fürsətdir, göydəndüşmədir.
Demək müttəhiməm, hakimim sənsən
Qoy olsun, nə deyim söz də sənindir.
Buyur möhtərəm hakim, indi de görək
Hansı maddə ilə cəza kəsirsən?
Gör məni nə ilə suclayırsan sən
Bağışla, mən sənə boyun əymərəm.
Sənin iti baltan ilə ölməkdənsə mən
Öz paslı xəncərimi tərcih edərəm.
Qoy pulun da olsun, sarayların da
Maşının, daş-qaşın, hər şeyin olsun.
Get, sənin o qədər arzuların var
Bağışla, mən sənə verə bilmədim.
Dua edirəm ki, canın sag olsun
Sən də bir insansan, mən də bir insan.
Sənin arzuların artıq bəllidir
Mənim arzularımsa tükəndi-bitdi.
Gənclik ömrümüzün səhvlər çağıdır.
Sən mənim səhvimsən, mən sənin səhvin.
Üz-üzə gələndə dinmə-danışma
Sən mənə doğma ol, mənsə sənə yad.
Mən səni sevmişəm, həqiqət budur
Sənin sevdiklərini mən sevməmişəm.
O vaxtlar harda idi bu arzuların?
Bəlkədə var imiş, mən bilməmişəm.
Toxunma yaralı qəlbimə daha
Sən ayrı yoldasan, mən ayrı yolda.
Qoydun gənc ömrümü qarda, sazaqda
Halbuki çiçəkli yaz vəd etmişdin.
XƏBƏR LENTİ
- ŞƏRHLƏR