Sizə məhəbbət tarixcəsi danışmaq istəyirəm. Bu üç il əvvəl baş verib. Həmişəki kimi mən rəfiqəmlə gəzməyə getməyə hazırlaşırdım, geyinib keçinirdim ki, birdən telefonuma zəng gəldi (onda mən hələ bilmirdim ki, bu zəng mənim həyatımı dəyişəcək). Bu naməlum nömrə mənim telefonumun dəftərçəsində yazılmamışdı. Mənim telefonumda həmin vaxt çox tanış insanların nömrəsi olduğundan, telefonu götürmək qərarına gəldim:
- Salam, -dedi o. Necəsən? Nə ilə məşğulsan?
Mən başa düşməyə çalışırdım, kim mənə zəng vurub ona görə söhbəti davam etdirmək qərarına gəldim:
- Salam, Sevinclə gəzməyə getməyə hazırlaşıram.
- Burda mənim maşınımla problem yaranıb. Yarım saatlıq mənimlə serviz mərkəzinə gedə bilərsən?
Onda mən başa düşdüm ki, bu insanla tanış deyiləm. Özümü narahat hiss etməyə başladım. Bu insan sadəcə nömrələri səhv salmışdı. Amma mənə maraqlı idi onunla danışmaq. Məlahətli səsi var idi.
- Yox, mən gələ bilmərəm. İyirmi dəqiqədən sonra rəfiqəmlə görüşməliyəm.
- Çox xahiş edirəm, mənimlə gəl, sonra mən səni hara istəsən apararam.
Mən bilmirdim nə cavab verim.
- Nə oldu? (o, sözünə davam etdi). Beş dəqiqə sonra çıx, mən səni qapı girişində gözləyəcəyəm.
- Hə, yaxşı gəl dedim mən. Nə baş verdiyini başa düşməyərək.
Bir az özümə gələndən sonra baş verənləri anama danışıb, rəfiqəmlə görüşə yollandım.
Gülməli əhvalatı ona da danışdım. Birlikdə gülümsündük və düşündük ki, indi zəng edən naməlum şəxs qapı girişində hansısa qızı gözləyir və heç o qızın bu zəngdən xəbəri də yoxdu.
Bir neçə saat keçdi. Biz rəfiqəmlə söhbət edərək gəzişirdik. Və yenidən bu nömrə mənə zəng vurur:
- Xanım qız, - dəstəkdə səs eşidildi. Mən bir neçə saat bundan qabaq sizə zəng etmişdim axı!
- Bilirəm, gülümsəyərək cavab verdim.
Məlum oldu ki, başqa bir qıza yığırmış. Cəmi bir rəqəmi səhv salaraq mənə zəng edib.
Biz uzun müddət söhbət etdik. Onun səsini eşitmək mənə maraqlı idi. Həm bu cür zənglər tez-tez baş vermir.
Bu hadisədən bir gün sonra o yenə mənə zəng vurdu. Ertəsi gün zəng etdikdə görüşməyimizi təklif etdi. Mən isə hazır deyildim ona görə bəhanə uydurdum. Həftədə iki dəfə mənə zəng vururdu, görüşmək üçün məni dilə tuturdu. Mən isə nədənsə qorxurdum.
on üç gün keçmişdi o zəngdən. Biz rəfiqələrimizlə şəhəri gəzişirdik. Birdən yenə o, nömrədən mənə zəng gəldi. Görüşməyi təklif etdi. Bu dəfə rəfiqələrim məni onunla görüşüm deyə dilə tutdular. Və mənimlə gələcəklərini dedilər. Özüm ona zəng edib görüş yerini təyin etdim. O, dostuyla olacağını dedi. On beş dəqiqədən sonra görüşümüz baş tutdu.
Mən onu gördüm, o, mənə çox şirin gəldi.Tanış olmağa, danışmağa, ünsiyyət qurmağa başladıq. Günü-gündən o, daha çox xoşuma gəlməyə başladı. O, məni gülüşü, zarafatları ilə özünə cəlb edirdi.
Qarşılıqlı rəğbət hissini məndə özümdə hiss etməyə başladım. Onun xoşuna gəldiyimi ilk gündən hiss etmişdim. Onun heyran olmuş baxışlarını indiyənə kimi xatırlayıram.
Artıq üç il keçib və biz artıq ailəliyik.
Tərcümə: Ellada Babayeva