İş, məsuliyyət və problemlər həyatı çətinləşdirə bilir. Çox vaxt, hamıdan qaçıb, uzaqlaşmaq istəyir insan. Rahat nəfəs almaq istəyirik.
Ancaq Cənubi-Koreyda bütün bunlar onlar üçün daha da çətin hal alır. Cənubi-Koreya həftəlik iş saatlarının çoxluğuna görə dünyadakı siyahıda başlardadır.
Eyni zamanda rəqabətcil sistem və qatı iş rejimi insanların çox çətin şərtlər altında yaşamağına səbəb olur. Təhsil sistemi olduqca təzyiq edən quruluşa malikdir.
Bunun sübutu olaraq, ölkədə intiharların çox olmasını göstərə bilərik. Cənubi-Koreya intiharların sayına görə dünyada ikinci yerdədir.
Bunun nəticəsində "Prison İnside Me" adlı həbsxana yarandır. Quruculardan Noh Ji-Hyang isə bu saxta həbsxana fikrinin ilhamını həftədə 100 saat işləyən vəkil ərindən aldığını deyir.
Ərinin " Yalnız 1 həftə dincəlmək üçün və daha yaxşı hiss etmək üçün otaq həbsini seçərdim" sözlərindən ilhamlanmışdır.
Bu quruma pul ödəyərək, özlərini həbs edən insanlar özlərini daha azad hiss etdiklərini bildirirlər. Eyni zaman azadlığın və xoşbəxtliyin dəyərini anladıqlarını bildirirlər.
2013-cü ildən bu günə qədər 2000 - dən çox insan bundan faydalanmışdır. Həbsxanada qalanlar 24 saat üçün təxminən 70 euro verirlər.
Həbsxana qaydaları sərtdir. Digər məhkumlarla danışmaq qadağandır. Mobil telefon və saat istifadə etmək olmaz. Müştərilər mavi formalar geyinirlər.
Həbsxanaya girən müştərilərə yoga xalçası, çay seti, qələm və dəftər verilir. Yemək olaraq qaynadılmış kartof, axşam yeməyinə bananlı kokteyl, səhər yeməyində düyü yeməyi verilir.
Yüzlərlə koreyalı bu şərtləri qəbul edərək 24 saatlıq özlərini bura həbs edirlər. Müştərilərin çoxu ofis işçiləri və tələbələr olur.
