Heydər Əliyev Fondunun təşəbbüsü ilə Azərbaycan Respublikasının Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsi, Müasir İncəsənət Muzeyi və “Qız Qalası” İncəsənət Qalereyasının təşkilatçılığı ilə İçəri Şəhərdə keçirilən “Qız Qalası” İkinci Beynəlxalq İncəsənət Festivalının açılış mərasimi olub.
“İçərişəhər” Dövlət Tarix-Memarlıq Qoruğu İdarəsinin rəisi Mikayıl Cabbarov bildirib ki, festival Azərbaycanın ən qədim abidələrindən biri olan Qız Qalasının daha geniş tanınması və populyarlaşdırılması məqsədini daşımaqla yanaşı, mədəniyyətlərarası dialoqa da öz layiqli töfhəsini verəcək.
rəssamlar tərəfindən bəzədilmiş Qız Qalası maketləri Müasir İncəsənət Muzeyində nümayiş ediləcək.
20 ölkəni təmsil edən rəssamlar Qız Qalasının qarşısındakı meydanda Qız Qalası maketlərini və çərpələnglərin bəzəyiblər.
Qeyd edək ki, 2010-cu ilin 26-29 may tarixlərində Birinci “Qız Qalası” Beynəlxalq İncəsənət Festivalı keçirilib. Bu il yeni yaradılan maketlərlə yanaşı keçənilki maketlər də sərgidə nümayiş etdiriləcək.
İndi isə sizə sərgidən xüsüsi olaraq Qadin.net üçün çəkdiklərimi təqdim edirəm
Bu şəkillərə görə isə Ülviyyə xanıma təşəkkür edirəm.
