London-Böyük Britaniyanın paytaxtıdır.Ərazisinin sahəsi-1706,08 kv.km-dir. Əhalisini sayı-8 milyondan çoxdur.Əhalisinin sayına görə dünyada 21-ci yer,Avropada 2-ci yer tutur.London Britaniyanın siyasi,iqtisadi və mədəni həyatında böyükrol oynayır. Şəhərdə beynəlxalq Xitrou hava limanı,dünyada ən böyük çaylardan biri olan Temza çayı,Tauer körpüsü,Trafalqar meydanı və Böyük Britaniyanın fəxri sayılan Biq -Ben saatı burada yerləşir.
London ilin bütün fəsillərində gözəldir.İyul və avqust aylarında tursitlərlə dolu olur.Bu şəhərin gecələri tamam fərqlidir.Səması qeyri-adi bir gözəlliyə malikdir.Qaranlıq düşəndə ciddi,işadamı stilində olan şəhərdən əsər-əlamət qalmır.Hətta avtomobillər də dəyişib,idman stilinə keçir.Gecə vaxtı Londonda qaranlıq və tənha küçələrdən tək keçmək olmaz.
Pulları tanımadığın yerlərdə dəyişmək olmaz. Avtobus gözləyəndə mütləq növbədə dayanmalısan.London əhalisi elə hesab edirlər ki,dünyada ən pis mətbəx onlardadır.Lakin London mətbəxi alma piroqu,zəncəfil peçenyaları və pudinqləri ilə məşhurdur.
İngilis adətlərinə görə,qonaq gedərkən mütləq əlində nəsə hədiyyə aparmalısan.Qonaqlıqda boşqabındakı bütün yeməkləri yeməlisən.Yalnız evə qayıtdıqdan sonra ev yiyəsinə açdığı süfrəyə görə təşəkkür məktubu göndərməlisən.
London-alış-verişin mərkəzi hesab olunur.Ən məşhur brendlərin satıldığı mağazaları görmək istəsən West-End rayonuna getməlisən.Hər həftənin dördüncü günü Londonda “Shopping Day” keçirilir.Həmin gün mağazalar gecə yarısına qədər işləyir və alıcılara hədiyyələr təqdim edilir.
Bu şəhər yüksək təhsil sistemi ilə məşhurdur.Burada dünyanın ən məşhur universitetləri yerləşir.
Biq-Ben -dünyada zamanı dəqiq göstərən yeganə saatdır.Britaniyanın rəmzi sayılan bu saata çox vaxt “Müqəddəs Stefan qülləsi” də deyilir.Saatın sağ və sol tərəfində latın dilində “Tanrıya şükür” yazılıb.
Viktoriya və Albert Muzeyi- qəribə dizayna malikdir.Mərmərlə, farforla, bahalı metallarla bəzədilmişdir.Muzeyə giriş pulsuzdur.
Madam Tüsso Muzeyi – mum fiqurlarla doludur.Burada ürəyindən keçən sözləri yazmaq üçün böyük bir dəftər qoyulub.Xatirə olaraq yaza bilərsən.Hətta Şerlok Holmsun evi bu muzeyin düz yaxınlığında yerləşir.
Britaniya Muzeyi – tarixi kolleksiyalarla zəngindir. Dünyanın ən məşhur muzeyidir.İngilislər bunun varlığı ilə fəxr edirlər.Muzeydə 94 qalereya və mindən çox incəsənət nümunəsi var.Gəzintidən sonra yorğunluğunu atmaq üçün Trafalqar meydanına gedib,canlı musiqi dinləmək möhtəşəm bir zövqdür.
Kral Botanika Bağı – Londonun ən görməli yerlərindəndir.Burada 40 mindən çox bitki növü vardır.Ətrafında Çin bağı,daş bağı və iki rəsm qalereyası yerləşir.Bağa giriş böyüklər üçün 7,5 britaniya funtudur.16 yaşından kiçik olan uşaqlar üçün isə giriş pulsuzdur.
Londonun Yeraltı Dünyası – qanlı və qəddar tarixə səyahətdir.Qorxulu labirintlər arasında gəzinti dəhşət filmlərini xatırladır.Əsl adrenalin vurğunlarının yeridir.Bu qorxulu məkanın özü də bir əyləncə hissi aşılayır insana.
Bukingem Sarayı – Turistlərin ən çox görmək istədikləri məkanlardan biridir.Sarayda 661 otaq var.Onlardan 18-i yalnız ilin müəyyən günlərində insanlar üçün açılır.Kraliça öz həyat yoldaşı ilə birgə sarayın şimal hissəsində 12 otaqlı bir guşədə yaşayır.Otaqların mənzərəsi Qrin parka açılır.
