1. Şəkər alması
Bu meyvənin vətəni Tropik Amerika olsa da, onu Hindistan və Pakistan və Filippində də əkirlər. Şəkəralması şam qozuna oxşayır, diametri 10 sm-ə qədər olur. Daxili hissəsi ağ rəng və yüngül dada malikdir. Tumu azdır.
2. Çerimoyya
Yarpaqlı bitki sayılan Çerimoyya adlı bu alma əsasən Cənubi Amerikanın dağlarında bitir. Bu bitki əsasən yumru formaya malikdir. Lakin xarici görünüşünə görə 3 tipə ayrılır (qabarıq, hamar və ya qarışıq). Bu meyvənin gözəl ətri olmaqla yanaşı, şirəli və dadlıdır. Deyilənə görə, bu meyvənin dadı banan, marakuyi, papayi və ananası xatırladır.
3. Platoniya
Bu böyük ağac Braziliya və Paraqvayın tropik meşələrində yaşayır. Bu ağacın meyvəsi portağal boyda olur və bu meyvəni sıxdıqda sarı şirə axır. Bu meyvənin tərkibi bir neçə qara tumu olan ağ, yumşaq lətdən ibarətdir. Gözəl, şirin dadı olur.
4. Lanqsat
Lanqsat və ya duku - bu iki çox oxşar meyvəni bütün Asiyada tapmaq olar. Lanqsatın qabığında zəhərli olmayan, lakin təmizlənməsi qəliz olan maye var. Duku meyvəsinin qabığı isə asanlıqla ayrılır. Meyvənin daxilində 5 hissə var və onların da daxilidə bir neçə acı toxum olur. Bu meyvələr çox şirin meyvələrdir.
5. Dakriodes
Dakriodes Anqolanın cənubunda, Nigeriyanın şimalında və Afrikanın tropik meşələrində bitən həmişəyaşıl ağacdır. Bu ağacın meyvəsi tünd göy rəngdən bənövşəyi rəngə qədər müxtəlif rənglərdə olur. Bu meyvə Afrika armudu kimi də tanınır. Bu meyvələr yumşaq və uzunsov formaya malikdir.
6. Noni
Bu meyvənin vətəni bütün Cənub-Şərqi Asiya və Avstraliyadır. Və bir çox adları məlumdur. Bəzən böyük Morinqa və Hindistan ipəyi kimi adlarla məşhurdur. Ağac il boyu meyvə verir, lakin bir qayda olaraq meyvələr eyni vaxtda yetişir. Bu meyvənin kəskin qoxusu olur.
7. Salaka (bir ilan)
İndoneziyada bitən ilan ləqəbli meyvə. Onlar salxımlarda böyüyür və qabıqları asanlıqla çıxarılır. Ləqəbini isə pullu olması, qırmızı gözəl, qonur qabığa malik olmasına görə veriblər. 3 ağ şirin hissədən ibarətdir. Hər birinin tərkibində kiçik qara yeyilməyən toxum yerləşir. Meyvələri meyxoşdur, bir növ almanı xatırladır.
8. Karambola
Karambola - bu meyvə ağacı, əslən Filippinə aiddir. Hal-hazırda Cənub-Şərqi Asiya, Şərqi Asiya, Cənubi Amerikanın bütün ərazilərində yayılmışdır. Meyvənin qabığını təmizlədikdən sonra 5 hissədən ibarət olur. Onu nazik kəsdikdə ulduza bənzəyir. Meyvə C vitamini və antioksidanla zəngindir. Meyvə yetişdikdə parlaq sarı rəngdə olur. Dadlı olmaqla yanaşı həm də gözəldir.
9. Buynuzlu yemiş
Buynuzlu yemiş, həmçinin Afrika xiyarı kimi də tanınır. Vətəni Afrikadır, amma hazırda Avstraliya, Yeni Zelandiya və Çilidə onu yetişdirirlər. Tam yetişdikdə yemiş qabığı bərk sarı sivri tikanlarla örtülür. Ləti isə, jele kimi olur. Rəngi zümrüd rəng olur. Meyvənin dadını bananla tez-tez müqayisə edirlər. Meyvə C vitamini ilə zəngindir.
10. Sehrli meyvə
Möcüzə, və ya şirin giləmeyvə- bu qəribə giləmeyvənin vətəni Qərbi Afrikadır. Bu meyvəni qəribə edən səbəb nədir? Bəhrəsinin tərkibində böyük miqdarda şəkər əvəzedicisi olmasıdır. Özü elə çox şirin dada malik deyil, lakin insan onu yedikdən müəyyən vaxt sonra şirin dadı hiss etməyə başlayır. Və bir saat ərzində nə yesəniz yalnız şirin dad hiss edəcəksiz. Beləliklə, siz bir limon yeyə bilərsiniz, ancaq turş deyil, dadı şirin sirop olacaq.