Bu qadın lunatizmdən əziyyət çəkirdi. Onun sevgilisi var idi. Lakin o, müntəzəm qalxıb evdən gedirdi və yad, qəribə kişilərlə cinsi əlaqədə olurdu. Bu xanımın belə hərəkətləri bir neçə ay davam etdi. Əvvəlcə heç kim nə baş verdiyini başa düşmürdü, lakin bir gecə bu xanımın sevgilisi oyandı ki, sevimli qadını yoxdu. Tez axtarmağa başlayır və görür ki, xanımı küçədə yuxulu vəziyyətdə yad kişilərlə cinsi əlaqəyə girir. Sevindirici haldır ki, həmin qadın müalicə edilib və şəfa tapıb.
Timothy Brueggeeman
Viskonsinin şimal statındandır, yuxusuzluqdan əziyyət çəkir. Bir dəfə yayda öz maşınıyla gedərkən, maşını ağaca çırpıb və sükan arxasında yuxuya gedib. Bundan sonra həkimlər ona yuxu həbləri yazıb. Bu həbləri istehsal edənlər deyirlər ki, düzgün istifadə edilsə, tam təhlükəsizdir. 2009-cu ilin yanvarında bu həblərin qəbulundan sonra Brueggeeman birinci və axırıncı dəfə olaraq lunatiklik edib. Yataqdan qalxıb, dəhşət şaxtalı havada evdən çıxıb gedib - özü də yalnız alt paltarında. Ertəsi gün səhər tezdən bu şəxsin donmuş cəsədini evin yaxınlığında, qarın içində şortla tapıblar.
Uzun müddətdir ki lunatikdir, lakin o, 77 yaşında olanda ən dəhşətli macəra baş verib. 1988-ci ildə evdən çıxıb, özüylə yalnız bir əsa götürüb. Və həmin əsa da onun köməkçisi olub. Evdən çıxarkən hovuz tərəfə gedib, lakin orada palçığa batıb. Orada daş kimi yuxuya gedib, oyananda görüb ki, alliqatorlar onu əhatəyə alıb. Həmin əsa və yüksəkdən ağlayıb qışqırması polisləri ora yığılmağa vadar edib. Elə bunlar da onun yaşamasına səbəb olub.
2003-cü ildə öz bağ evində ölü tapılıb. Bu köməksiz 83 yaşlı qoca qorxunc şəkildə döyüldükdən sonra vəfat edib. Qonşusu yolda gedərkən görür ki, qocanın meyidi yoldadır və dərhal polis çağırır. Polis isə ölənin oğlu Julesi günahlandırır və həbs edir. Ata və oğul əvvəlki gecə içiblər, lakin hadisənin səbəbi spirtli içki deyil, lunatizmdir. Məhkəmədə onun vəkili öz iddialarını qaldırır və ona bəraət qazandırlrlar.
Bu xanım axşam saat 6-dan sonra düz gecə yarısına kimi yeməyə başlayır. Onu da deyim ki, bu işlərin hamısını yuxuda edir. Yuxuda həm aşpazdır, həm qaz sobasından istifadə edir, həm də çoxlu yemək yeyir. Leslie Cusack 55 yaşındadır. Həddindən artıq yeyir. Əvvəlcə heç özü də başa düşmürdü ki, niyə bu qədər kökəlir, amma sonra hər şey bəlli oldu. İndi bu xanım lunatizmdən müalicə olunur, kurs keçir və əminik ki, her şey yaxşı olacaq.
Lunatizm əsasən uşaqlarda daha çox rast gəlinir. 4-8 yaş arası olan uşaqların 17%-nin lunatizm barəsində ən azı bir təcrübəsi var. Yaş ilə əlaqədər bu göstərici cədvəl üzrə ən aşağı göstəriciyə, yəni 5%-ə düşüb. Stuart Miller 8 yaşında idi, 1993-cü ildə sentyabr ayında bir gecə onun macərası başlayır. O, hündürmərtəbəli binanın dördüncü mərtəbəsində bir mənzildə yaşayırdı. Və o, gecə yataq otağının mərtəbəsindən özünü aşağı atır. Məhkəmə binanın yiyəsini zərərçəkmişə cərimə verməyə məcbur edir. Və binanın pəncərələrini də yeniləməli olur. Stuart Miller sağ qalır, amma həmişəlik şikəst olur.
Jan Luedecke əslən Torontodandır. Diskotekada gecə şənliyində olarkən divana oturan kimi yuxuya gedib. Bir neçə saat sonra onu bir naməlum oğlan oyadıb və deyib ki, sən yuxuda bir qızı zorlayırdın. Amma Jan bu sözlərə inanmır. Durub özü vanna otağına gedənə, özündə prezervativ aşkar edənə qədər heç kimə, heç nəyə inanmır. Məhkəmə ona bəraət verməyə səy göstərmədi, nə də ekspert həkimin tərəfini tutmadı. Ona rəfiqəsi kömək etdi. Məhkəməyə gedib onun içkidən sonra bu hallara düşdüyünü söyləyir. Bu sözlərdən sonra o azadlığa çıxır.
Bir oğlan gecə evinə gedərkən küçədə bir qız görür. Qız təkcə pijamada idi, özü də qaldırıcı kranın ucunda yatırdı. Oğlan dərhal xilasediciləri və təcili yardımı köməyə çağırır. Həkimlər görən kimi deyirlər ki, "ona toxunmaq olmaz", amma xilasedicilər deyirlər ki, "biz xəbərdarıq, çünki lunatizmdən əziyyət çəkən bu qızın valideynləri qızlarının itdiyini deyib və axtarış etmək üçün ərizə veriblər". Xoşbəxtlikdən qızı düz 40 metr hündürlükdən xilas edə bilirlər, amma ora necə çıxıb, bunu heç vaxt, heç kim bilməyəcək.
19-cu əsrdə Fransanın ən yaxşı detektivlərindən biri idi. O, Parisdə yaşayırdı. Günlərin bir günü Andre Monetin ölümü ilə bağlı araşdırma aparmaq üçün onu səhər tezdən polisə çağırırlar. Bütün araşdırmalar göstərir ki, gülləni atan bir professional imiş. Həm də Robert aşkar edir ki, bu cinayəti törədən öz ayaq barmağına həmin silahla vurub. Hər şey çox qəribə idi...
Səhər tezdən Robert oyanıb görür ki, ayağında çəkmə var, ayaq barmağı da yaralı, qanlıdır. Həm də öz tapancasında bir neçə güllə çatışmır. Başa düşür ki, lunatizm halında Moneti öldürən özü imiş. Bir maraqlı fakt da var ki, Robertdə sifilis xəstəliyi varmış, deyilənə görə bu da lunatizmlə əlaqədardır. Amma fransız polisi belə məsələni qəbul etməkdən imtina edir. Lakin Robert günahkar kimi onların yanında gəlir və onda da polislər bu qərara gəlirlər ki, onu yoxlasınlar. Onlar Ledrunu dustaqxanaya gecələr nəzarət etmək üçün salırlar. İlk gecədə o, lunatikliyə başlayır. İkinci gecə yenə nəzarət altında olur, indi də yanına tapanca qoyulrar. Gecə Robert oyanır, ayağa qalxır və mühafizəçilərə atəş açmağa başlayır. Polislər bu qərara gəlirlər ki, Robert öz hərəkətlərinə cavabdeh deyil, cəmiyyət üçün çox təhlükəlidir. Və beləliklə, Roberti uzaq bir kəndə sürgün edirlər, o, ömrünün son 50 ilini orda tibb bacısı və mühafizəçilərlə yaşamalı olur.