"Coca-Cola" az qala hər gün bizə yoldaşlıq edən imtina edə bilmədiyimiz qidalar arasındadır. "Coca-Cola", su istehlakını minimal həddə endirən, xüsusilə də isti yay günlərdə ən çox istifadə etdiyimiz içkilər arasında birinci sırada yer tutur deyə bilərik. Bununla yanaşı zərərli tərəflərinin də olduğunu hamımız bilirik. Ancaq bilmədiyimiz bir gerçək var ki, o da "Coca-Cola"nın içki kimi qəbul etməkdən də əlavə istifadə edilə biləcəyi sahələrin olmasıdır. Təcrübələr nə qədər müvəffəqiyyətli olsa da, şəxsən etmədiyimiz üçün, nəticələrə zamin olmaqdan çox ediləni tanıtmaqla faydalı ola bilərik. Gəlin "Coca-Cola"nın gizli gücünü bir-bir araşdıraq.
Nələr edilə bilər?
Tərkibi çox sadə olan "Coca-Cola"nın maraqlı bir şəkildə çəmən otlarına faydalı olduğu deyilir. Böyüməsini sürətləndirməsi ilə yanaşı, sıx bitməsinə yardım edir və daha güclü köklərlə çıxmasını təmin edir.
Evinizə növbənöv yuyucu almağa son! Qazan və ya tavanın dibi yandımı? Heç fikir etməyin, bir az "Coca-Cola" töküb gözləyin, yanıq ləkəsinin necə çıxdığına təəccüblənməklə qalmayacaq, verdiyi parlaqlığa da heyrət edəcəksiniz.
Əşyalarınızı quru təmizləməyə verməkdən bezdinizmi? Onsuz da xərci çox olan bir işdir. Ləkə tutan yerə bir az "Coca-Cola" tökün - yağı, sous ləkəsini, hətta qanı belə təmizləyir. Ən bahalı təmizləmə vəsaitlərinə rəqib olacaq qədər yaxşıdır.
Qışda, buzlanmış şüşələr avtomobil sahiblərinin ən böyük problemidir. Nə yaxşı ki, evdə bir az "Coca-Cola" var. Onu avtomobilin şüşəsinə tökün və gözləyin. Buzun necə çözüldüyünə inana bilməyəcəksiniz.
Dənizə getdiniz... Bir az sərinləmək üçün suya girmisiz, amma birdən bədəninizdə iynə batması kimi bir şey hiss etdiniz. Ətrafınızdakı meduzanı örüncə anladınız ki, sizi o dişləmişdir. Qorxmayın, bir az "Coca-Cola" ilə hər şey düzələr (yalnız bənövşəyi meduza dişləmələri zamanı faydalıdır).
Evinizdə paslanmış əşyaları atmağa da son! "Coca-Cola" vasitəsilə paslanmış təbəqədən azad ola bilərsiz.
Maraqlı olan daha bir məlumat! Buz kimi soyuq "Coca-Cola" ilə qarqara etmək hıçqırığınızın kəsilməsinə köməkçi olacaq.
Çox danışdıq, bir az yemək fasiləsi... Yemək demişkən, "Coca-Cola" ilə ketçubu qarışdırıb sous əldə edə bilərsiz və bu sousu başda toyuq olmaqla, bir çox ət və makaron yeməklərində istifadə edə bilərsiniz.
Hər şeydən bəhs etdik, bir az da özümüzə qulluğa zaman ayıraq. Saçlarınızda iri dalğalarmı istəyirsiniz? Salona gedəcək zamanınız da yoxdur? Rahat olun, saçlarınıza bir az "Coca-Cola" çəkin və bir neçə dəqiqə gözləyin. Sonra saçlarınızı yaxalayın. İndi isə cüzi fəaaliyyətlə əldə etdiyiniz iri dalğaların kefini çıxardın.
Əlinizdə çox gözəl bir fotoşəkil var. Onu köhnəlmiş və ya nostalji olsun deyə köhnəltmənin yollarını axtarırsınız? Üzərinə bir az "Coca-Cola" töküb qurumasını gözləyin. İstədiyiniz görünüşü əldə edəcəksiniz.
Bu xoşagəlməz hadisə az qala hər qadının başına gəlmişdir. Uzun saçlarınıza bir diqqətsizlik nəticəsində saqqız yapışması. Qayçıya heç ehtiyac yoxdur. Bir az "Coca-Cola" bütün probleminizi həll edəcək.
Zarafat etdiyimizi düşünə bilərsiniz, ancaq saçınızın rəngini açmaq, ya da boyanı çıxartmaq üçün diyet "Coca-Cola" istifadə edə bilərsiniz.
Ayaqyolundakı inadçı çirklər! Artıq qorxmayın, bir az "Coca-Cola" tökün və gözləyin, sonra gördüyünüz nəticəyə nə deyəcəyinizə özünüz qərar verin. 