Evdə,dibçəkdə limon ağacı saxlamaq istəsəniz, onun saxlanacaq bir şəraitin olması vacibdir. Ən əsas amil gün boyu günəşli olan bir yerin olmasıdır.
İşıq
Limon ağacı yaz-qış fərqi yoxdur, mümkün olduğu qədər çox işığa ehtiyac duyar. Yaz aylarında açıq havaya çıxarılan bitki daha möhkəm və sağlam olar. Bol meyvə verər. Havalar kifayət qədər isindikdə isə dibçəyi 1-2 həftəliyə yarım kölgədə saxlamaq lazımdır. Beləliklə çöl havasına tam öyrəşdikdən sonra,günün altına qoymaq olar. Havalar soyumağa başlayanda, bitki içəriyə qoyulmalıdır. Və cənuba baxan pəncərənin önündə yerləşdirməlidir.
İstilik
Limon üçün yayın isti, qış aylarında isə minimum 10 C dərəcə istiliyin olması ideal mühitdir.İstiıik onun inkişafı üçün vacibdir, amma sərinlik uzun bir meyvə dövrünün olması üçün çox faydalıdır. Qışda gecə-gündüz arasındakı istilik fərqləri və hava cərəyanı bitkiyə zərər verər. Yarpaqların saralmasına və tökülməsinə səbəb ola bilər. İstilik cihazlarından uzaq tutulsa daha yaxşı olar. Qışda həddindən artıq isti və quru mühit meyvələrinin tökülməsinə səbəb olar.
Torpaq-qida
Limon üçün ümumi istifadəyə uyğun hazırlanmış torf istifadə edilir. Bol çiçək və meyvə verə bilməsi üçün nizamlı olaraq ona qulluq edilməlidir.Çiçəkli və ya meyvəli bitkilər üçün hazırlanmış maye gübrə, istifadə edilməlidir. Gübrələmə yazda başlanır və yayın sonuna qədər davam edilir. Gübrə ayda bir verilməlidir. Və yaxud suyun 1/4 hissəsinə gübrə qarışdırıb, həftəlik suvarma suyuna qatmaq olar. Gübrə verərkən mütləq mütəxəssilərlə məsləhətləşmək lazımdır.
Suvarma
Limon yaz və yay fəsillərində nizamlı sulanar. İki suvarma arasında torpaq səthinin yüngülcə qurumasını gözləmək lazımdır. Sonra isə qabın altındakı dəliklərən axana qədər su tökülməlidir. Qış aylarında daha az su verilməlidir. Torpaq yumşaq olub, suyu yaxşı süzməlidir. Həddindən artıq suvarma çox zərərlidir.
Budama
Yazda ağacın ucları yüngülcə budanaraq forma verilir. Bitkinin boyu 1,5 metrdən çox uzanmamalıdır. Əgər ağaçın dibçəyini dəyişmək istəsəniz, bunu bir neçə ildən bir, yazda etmək lazımdır.
Limon ağacının zərərvericiləri
Yarpaq bitləri (aphid), qabıqlı və pambıqlı kəhrizlər (scale, mealybug) budaqlara yapışır, ağacın suyunu canına çəkər. Əmələ gətirdikləri yağışqan bitkinin xarab olmasına, yarpaqlarının tökülməsinə səbəb olar. Zərərvericilərlə mübarizə edilməsə bitki məhv ola bilər.
Zərərvericilərlərlə mübarizə üsulları
Böcəklər üçün kimyəvi mübarizə dərmanları vardır. Ancaq bunlardan evdə istifadə etmək bir az təhlükəlidir. Həmçinin bu dərman meyvəsinə də zərər verər. Evdə hazırlanan dərmanlardan istifadə etmək daha məqsədəuyğun olar. Əgər zərərvericinin sayı azdırsa, bıçağın ucu və ya möhkəm bir şeylə onları təmizləmək olar. Və ya pambıqlı bir çubuq spirtə batırılmalı və bununla böcəklər isladılaraq öldürülür.
Bitkinin daha pis vəziyyətlərində bitki uyğun bir yerə çıxarılır. Tam zərərvericilər təmizlənənə qədər mübarizə davam etdirilir. Bitki böcəklərdən təmizlənənə qədər həftədə bir dəfə bu təkrarlanır. Profilaktik tədbir kimi, tütün salınmış suya bir süngər batırılaraq bitkinin gövdələri və yarpaqları silinir.