Bu dəfə sizlərə gözəl bölgəmiz olan Qax rayonun mətbəxindən danışacam. İlk öncə onu deyim ki, Qax rayonu öz gözəlliyi ilə fərqlənir. Müalicəvi suları, gözəl təbiəti ilə göz oxşayır. Hər dəfə Qax rayonuna getdikdə sakin yol boyu tuneldəki kimi hiss edirsən özünü. Bu tunel onunla fərqlənir ki, daşdan, qayadan yox ağaclardan ibarətdir. Ağaclar o qədər sıxdır ki, sanki yaşıl tunel ilə gedirsən.
http://qadin.net/index.php?newsid=23996
Hər bir rayonun özünə məxsus mətbəxi olduğu kimi Qax rayonunda özünə məxsus mətbəxi var. Qax mətbəxi deyəndə ağlımıza ilk öncə quru ət (qaxac) gəlir. Quru ətdən bir çox yeməklər hazırlanır.
İlk öncə yeməklərdən başlayaq.
Qaxac və quru dolma
Şorbalı xəngəl. Yaxın zamanlarda saytımızda yerləşdiriləcək.
Əvvəlcə 3-4 ədəd baş soğan yağda rəngi qızarana kimi qovrulur. Üzərinə toyuğu doğrayıb, duz, istiot əlavə olunur. Daha sonra üzərinə "Bizim Tarla" tomat pastası əlavə olunur. Azca qovruduqdan sonra təxminən 3 st.su əlavə olunur.Toyuq bişdikdən sonra üzərinə yumurtanı çalıb əlavə edirik.
Daha sonra xəmir yogrulur və xəngəl hazırlanır. Xəngəli süfrəyə ayrı-ayrı boşqablara töküb, üzərinə çıxana kimi şorbanı əlavə edirik. Zövqə görə sarımsaqda vura bilərik.
Sürhüllü - quru ətlə
http://qadin.net/index.php?newsid=24345
Artıq saytımızda dərc olunub.
Sürhülü - ətlə
Şor gürzəsi
Adı gürzə xəmiri yoğrulur və kəsilir. İçlik üçün 1 baş soğan doğranıb qovrulur. Duz, istiot əlavə edilir. Daha sonra duzsuz kəsmik (şor) əlavə olunub qovrulur. Bu içlik kəsilmiş xəmirin içinə qoyulur və adı gürzə kimi bişirilir.
Qaxda plovların növləri çoxdur. Çox təəssüf ki,onların hamının şəkilini tapa bilmədim.
Quru ətlə plov
Qozlu - toyuqlu plov
Bu plov çox asan hazırlanan plovdu, həmdə çox dadlıdır. 0.5 kq.qoz ləpəsi ət maşınından çəkilir. Kənarda maş lobya bişirilir (yarım kq. qoza 2 st. lobya lazımdır). Bişmiş lobya qoza qarışdırılır üzərinə baş soğan xırda-xırda doğranılır. Daha sonra duz, istiot və 1 qaşıq turşu (palçıq turşu deyirlər) vurulur. 1.5 kq düyü qaynadılır, bişir, süzülür və qazmaq hazırlanır. Bir qat düyü əlavə olunur. Qazanın bir qırağına hazırlanmış qoz əlavə edilir. Digər tərəfinə isə duz, istiot vurulub, turşulanıb doğranılmış toyuq ətini qoyuruq (toyuq olmasa ət də olar). Daha sonra qalan düyünü əlavə edib dəmə qoyuruq.
Çığırtmalı plov
Səbzili plov
Tutlu plov
Ocağa su qoyub tut əlavə edirik. Qaynadıqdan sonra suyu süzürük. Süzdüyümüz suyu yəni şərbəti qaynamağa qoyuruq. Düyünü əlavə edirik və düyü qaynamağa başladıqda süd əlavə olunur. Daha sonra digər plovlarda olduğu kimi düyünü süzürük. Hazır olduqdan sonra plovun üzərinə kənarda qızardılmış qayğanaq qoyub xurma ilə bəzəyirik.
Gicitkən kətəsi
Fındıq gürzəsi
P.S. Sizlərdən də öz bölgənizə aid olan yeməkləri mənə təqdim etməyinizi xahiş edirəm. Ola bilsin ki, mənim də bilmədiklərim olar, sizlərdən öyrənərəm. Öncədən təşəkkür edirəm.