Bir neçə gün əvvəl şəkil axtararkən qarşıma müxtəlif şəkillər çıxdı. Onların arasında cürbəcür mənzərə şəkilləri var idi. Hər fəslin öz gözəlliyi var və bu şəkillər həmin gözəllikləri göz önünə sərir.Mənzərə şəkillərini məncə bəyənməyən olmaz.Bəyəndiyim mənzərələri seçib Qadın.net xanımlarına hədiyyə etmək qərarına gəldim...Buyurun baxın..
Füsunkar bir qış mənzərəsi.Ətrafda ağ rəngdən başqa bir rəng yoxdur.Ağ rəng insana sakitlik gətirir.Sanki hər yer ağ atlasdan don geyinib.
Şəhərin səs-küyündən bezsəniz də, bəzən kənardan durub şəhərin panoramasını seyr etmək insana zövq verir.
Göy üzü,dənizin suyu və sahil necə də təmizdir.İsti yay günlərində belə bir yerdə istirahət etməyi kim istəməz ki...
Ağacların arasından hündür göydələnlər necə də sakit görünür.Elə bil oralarda heç insan yaşamır.
Bir tərəfdən sıldırım qayalı dağlar,digər tərəfdən isə üzü aşağıya doğru uzanan iynəyarpaqlı meşə... Xanmların çoxu bu mənzərəni seyr etmək istəyər yəqin ki.
Artıq yazdır.Ağaclar çiçək açır, hər tərəf al-əlvan rəngə bürünür.Yaşıl,sarı, çəhrayı,qırmızı rənglər ətrafı bəzəyir.
