Hədiyyə - plastik əməliyyat
Oyuncaq maşınlar, gəlinciklər, top və kitablar ad gününə balacalara alınan hədiyyələrdir. 2007-ci ildə Amerika mətbuatında Sara Burge adlı qadından danışılırdı. Həmin qadın Barbi gəlinciklərinə olan həvəsi nəticəsində 500000 dollara baş və ayaq hissəsində 26 əməliyyat edərək özünü Barbiyə oxşadıb. Vəziyyət o hala gəlib ki, bu qadın qızının 8 yaşı tamam olması münasibətilə ona plastik əməliyyat hədiyyə edib. Dediyinə görə, bu, qızının arzusudur. Lakin onun əməliyyat olub-olmayacağı hələ sual altındadır. Çünki 8 yaşlı uşağı heç bir həkim riskə girərək əməliyyat etmək istəmir.İndi siz deyin: mən sevinim ki, 8 yaşlı uşağın başqa arzusu yoxdur, yoxsa kədərlənim ki, ananın Barbiyə bu qədər həvəsi var?
Qum saatı formasında fiqura
30 yaşlı alman qızı İona Stanqenberq dünyada qarın bölgəsinə görə ən az ölçülü modeldir - 50 sm. Boyu 167 sm, çəkisi 38 kq olan bu xanımı formasına görə ''qum saatı'' adlandırırlar.İonanın dediyinə inansaq, o, heç də bədən formasını sevmir və bu qədər arıq olması ürəyincə deyil. Amma nə edəsən ki, təbiət onu belə yaradıb. Modellik həyatına isə onu 2006-cı ildə ailə qurduğu həyat yoldaşı sövq edib. Hazırda İonanın tək arzusu azacıq kökəlməkdir.O,buna görə gecələr şokolad, çipsi, pizza və çörək yeməkdən çəkinmir. Yazıq qız...
Pirsinqli gəlin
Keçmiş tibb bacısı Elain Devidson bədənində 7000-ə yaxın müxtəlif pirsinq daşıyır.42 yaşlı dəmir aludəçisi bu yaxınlarda sadə vətəndaş Doglas Vatsonla evlənib.Elainin bədənindəki dəmirlərin çəkisi 3 kq-dır, onlardan 192-si üzündə yerləşir.Braziliyalı bu xanım 2000-ci ildə Ginnesin Rekordlar kitabına düşüb.Mənə maraqlıdır ki, Doglas bəy bu xanımın nəyinə evlənib, axı o gecələr də pirsinqlərinə toxunmur? Bunun əvəzində 3 kq dəmir alsaydı, yaxşı olmazdımı?
Qəribə menyu
Floridada yaşayan amerikalı Tempestt Henderson ətirli sabun və yuyucu toz yeyərək yaşayır.Hələ uşaqkən anasının aldığı əl-üz sabunları, paltaryuyan tozları onu cəlb edirmiş. Vaxt ötdükcə Tempestt kimyəvi maddələrə daha çox aludə olur və onu dadmağa başlayır. Bu günədək Tempesttin menyusundan bu qəribə ''qidalar'' əskik olmur. Amma son günlərdə onun maye əvəzinə qabyuyan dərman içdiyini görən anası həkimə müraciət edib və xanımda pikaçizm xəstəliyi (yeyilməsi düzgün olmayan qidalara həvəs) aşkar edilib.Məncə, Tempesttin anası həkimə deyil, psixiatra müraciət etməliydi.
Qoca ana
Adriana İlesku qızını 66 yaşında dünyaya gətirib. İndi onun 72 yaşı var. Rumıniyalı bu qadın bütün ömrünü karyera qurmağa sərf etdiyi üçün ailə qurmayıb. İşlədiyi üniversitetin gənc tələbəsindən süni mayalanma yolu ilə hamilə qalaraq, qızını dünyaya gətirib və qızıyla yenidən doğulduğunu qeyd edib.