Novruz bayramında müəyyən inanclar və fallar insanlar tərəfindən həyata keçirilir. Onlardan bir qismini sizə təqdim edirik.
Bu falı istənilən vaxt icra etmək olar. Yatmağa gedəndə yeddi ulduz sayırlar. Ulduzları sayandan sonra bir kəlmə də olsa, danışmaq olmaz. Bu halda öz qismətini yuxuda görürlər.
Axır çərşənbə gecəsi ürəyində niyyət tut yat. Gecə yarısı yuxudan dur və şamı yandır. Şamı götürüb güzgüyə yaxınlaş. Güzgüdə gələcək nişanlını görəcəksən. Amma gərək qorxmayasan . Qorxsan bu niyyətin baş tutmaz.
Bu falda dörd nəfər oğlan, bir nəfər qız nəzərdə tutulur. Kibrit qutusunun hər 4 tərəfinə bir kibrit çöpü salmaq lazımdır. Onlar oğlan adları ilə olur.
Bayram günü hərənin adına bir şam yandırırlar. Kimin şamı tez yanıb qurtarsa, onun ömrü gödək olur.
Saçın üstünə hər öz adına bir buğda atır və hərə üçlükdə bir arzu tutur. Kimin buğdası tez çırtdasa, onun sevdası baş tutacaq.
Kibrit qutusunun içinə tək və ya cüt sayda kibrit çöpü qoyursan. İstədiyin oğlandan kibrit çöpünün tək və ya cüt olduğunu soruşursan. Əgər düz tapsa, deməli o oğlana qismət olacaqsan.
Düz bir yerə podnos qoyun və içinə un ələyin.Çöldə bağlı bir yerə qoyun.Səhər saat 6-dan sonra gedib baxın.Əgər unun üstünə iz düşübsə(qarışqa,qurd kimi bir şey gəzibsə)diləyiniz yerinə yetəcək.
Almanı götürüb bütöv,yumru soyun(amma heç bir yeri qırılmasın).Daha sonra qabığı yerə atın hansı hərf formasında olsa həmin adda insanla gələcəkdə ailə həyatı quracaqsınız.
Novruz axşamı almanı yeyib tumunu yastığın altına qoyun.Yuxunuzda kimi gorsəniz həmin insanla gələcəkdə ailə həyatı quracaqsınız.
Bu fala ilin axır çərşənbəsi baxırlar. Özü də bu fala qızlar baxa bilərlər. Qız sakit, heç kimlə danışmadan ləyənə su tökür. Əlinə bir böyük güzgü alır. Həmin güzgüdə aya baxır. Sevdiyi oğlanın şəklini qız görərsə bu onun xeyrinədir. Demək, təzə il onun üçün uğurlu olur, mətləbi həyata keçir. Bütün bu vaxt qız danışarsa, fal düz çıxmaz.
Qapı pusmaq
Axır çərşənbə günü, yaxud həftənin uğurlu günləri axşamçağı qonşuların qapısını ksakitcə pusurlar. Qapıya yaxınlaşərkən eşidilən ilk sözü və ya bir neçə sözü yozub, bəxt haqqında müəyyən mülahizələr söyləyirlər. (Bu səbəbdəndir ki, həmin günün axşamı yalnız yaxşı sözlər danışılması adət hesab olunur). Məsələn, ilk eşidilən sözlər "işığı yandır”, "yaxşı olacaq” və s. olarsa, hər şeyin yaxşı olacağı güman dilir. əksinə, "söndü”, "viran qalsın” və s. kimi sözlər eşidiləndə pis tərəfə yozulur.
Fala inanmayın falsız qalmayın
Allah hər şeyin düzünü, gözəlini, xeyirlisini biləndir...