Hər hansı bir əşya əksər hallarda diqqətimizi öz rəngi ilə çəkir. Nəsə seçib alarkən ilk öncə “başqa nə rəngi var” soruşuruq. “Bu rəng mənə çox yaraşır” və ya “heç rəngimə düşmür” kimi sözləri daima işlədirik. Rənglər həyatımızda böyük rol oynayır. Hər bir insanın sevdiyi rəng var və bu rəng onun xasiyyəti haqda çox şeyi bildirə bilər.
Gəlin qırmızı, ağ, qara, bənövşəyi, çəhrayı, gəhvəyi və göy rəngi sevənlər haqda psixoloqlarımızın dediklərinə nəzər salaq.
Qırmızı rəng.
Bu rəngi sevənlər ehtiraslıdırlar. Sevgiyə və dostluğa böyük hörmətlə yanaşırlar. Hər zaman lider olmağı sevirlər. Emosiyalara qapılmadıqları halda onlardan yaxşı lider alınar. Arzu və istəklərini həyata keçirmək üçün əllərindən gələni əsirgəmirlər. Vicdan əzabı çəkmirlər.
Qırmızı rəng romantik rəng deyil. Vəhşi ehtirasın rəngidir. Bu insanlar müxtəlif ekstrim vəziyyətləri – ov, riskli idman, avtomobil yarışları, atçapmanı xoşlayırlar. Bununla yanaşı bu rəngi sevənlər bəzən zərifliyə meyilli olurlar. İnanılmaz dərəcədə təmiz və əksinə qəddar diktator ola bilərlər.
Tez əsəbiləşib özlərindən çıxırlar və elecə tez də sakitləşib bağışlamağı bacarırlar. Qırmızı rəngli sadə daş-qaşı çox sevirlər.
Ağ rəng
Ağ rəngi intuisiyası güclüdür. Sakit həyata üstünlük verirlər. Bəzən onları tanımaq olmur. Gah özlərinə qapanırlar, gah da əksinə. Dinləməyi bacarırlar. Qarşısında olana qulaq assalarda bəzən fikirlərini deməyə bilərlər. Ağ rəngi sevdikləri üçün mirvari, oniks və ya opal daşlarını çox sevirlər.
Qara rəng
Mübarizə etməyi sevənlərin rəngidir. Emosiyaları parlaq və ekstremaldır. Əgər sevirlərsə, bütün varlığı ilə sevir, nifrət edirsə deməli bu dəhşətli nifrətdir.
Seks onların həyatında aparıcı rol oynayır. Çox ehtiraslıdırlar. Ağıllarından nəisə etmək keçdisə onları heçnə saxlaya bilməz.
Bənövşəyi rəng
Bu rəngi sevənlər maraqlı insanlar olurlar. Harda olmağından aslı olmayaraq sərbəst olmağı bacarırlar. Hər zaman yenilik axtarışındadırlar. Ünsiyyətcildirlər, lakin incəsənət, elm, dünyagörüşü ilə bağlı mövzulara üstünlük verirlər. Özlərinə bənzəyən insanlara daha çox üstünlük verirlər.
Çəhrayı rəng
İncəliyi sevən insanlardır. Qayğıkeş olurlar. Sevgi hekayələrini oxumaqdan ötrü ürəkləri gedir. Uşaq xarakterli olurlar, tez tez inciyə bilərlər. Karyera sahəsində uğurları çox az olur. Yumşaq oyuncaqları daima, yaşından aslı olmayaraq çox sevirlər.
Qəhvəyi rəng
Bu insanlar bir işi görməzdən əvvəl 100 ölçüb bir biçirlər. Onlar tənha qalıb düşünməyi, kiminləsə dərdləşməktən üstün bilirlər.. Ciddi insanlardır. Daim yeni biliklərə can atırlar
Həmçinin bütün gücləri ilə hakimiyyətə can atırlar.
Bəzən sevgisini bildirməkdən çox çəkinirlər. Həyatın digər sahələrində olduğu kimi sevgidə də sakit və təmkinlidirlər. Bildirməsələrdə başqalarının problemlərinə biganə qala bilmirlər, bu onları düşündürür.
Göy rəng.
Gecəni sevənlərin rəngidir. Dənizi, səmanı izləməkdən zövq alırlar. Dəniz, su daim onları özünə çəkir . Onlar həyatı sevir, enerjilidirlər.. Ünsiyyətcil və dostsevərdirlər. Onları ətrafdakılar çox sevir. Kollektivdə olmağı xoşlayırlar.
Seksual həyatda sakitdirlər. Gümüşdən olan əşyalara daha böyük önəm verirlər. Hədiyyə verməyi çox sevirlər.
XƏBƏR LENTİ
- ŞƏRHLƏR