İnsanı yaradan Tanrı kişini, daha sonra qadını xəlq etdi. Cənnət əhli olan Adəm və Həvva şeytana uyub, nəfsinə güc gələ bilməyən qadının ucbatından cəzalandırıldı. Yenidən əməli və ibadəti ilə cənnəti qazanmaq üçün bu fani dünya bizə verildi. Elə ilk şeytana aldanışdan sonra nəfs insana ən böyük düşmən kəsildi.
İnsanın səhv, haram əməlləri içində xəyanət ən çox yer tutur. Adətən insanlar bir çox pis əməlləri "kimsə bilməz" düşüncəsi ilə edirlər.
Çox qəribə də olsa insan Yaradanın onu hər yerdə gördüyünü dərk etmədən fani dünyada da günah etməkdən usanmır.
Xəyanət ilk olaraq şəxsin özünə qarşı ən böyük hörmətsizliyidir! Hansı formada olmasından aslı olmayaraq, istər dini, istər əqli şüurun zəifliyindən nişanədir, xain xoflu olar!
1. Kimi aldadırsan? İlk xəyanəti eləməmisizsə, demək özünüzü heç vaxt aldatmamısınız. Çünki xəyanətlə siz ilk özünüzü aldadır, özünüzə xəyanət edirsiniz.
2. Xəyanətin qarşılığı necə olmalıdır? Adətən biz bütün özümüzə qarşı olanlara cavab verməyə çalışırıq. Xəyanətə xəyanətlə cavab vermək tam absurd, yalnış düşüncədir. Xainlərin ilk cəzası aşkar və təcrid olunmalarıdır. Xainləri kimsə sevməz, onlardan ancaq istifadə edilər... Xəyanətin alibisi, bəraəti yoxdur!
3. Kişi xəyanəti - xəyanət edəndən sonra kişilik yalnız cinsin ifadəsi olur, əsl kişidən xain olmaz! Kişinin özünə, dosta, vətənə və ailəsinə xəyanəti, onun ləyaqətini tapdaq altına atmasıdır! Vətənə xəyanətdənsə ölüm, şəhidlik seçər əsl kişilər!
4. Qadın xəyanəti - qadınlar daha çox xəyanətə meyillidir. Kiçik xəyanətlərini adi əməl sayan qadınlar kişilərdən fərqli olaraq sirr saxlamaqda acizdir. Dosta xəyanət etməyə hər kişi cəsarət etməz. Etdiyi əməlin üstü açılmaqdan, ifşa olmaqdan kişilər çox ehtiyat edər! Amma rəfiqəsinə xəyanət edən qadınlar sanki arsız olur. İfşa olanda da utanmazlar. Hansı bəhanə olur-olsun, ailəli qadının xəyanəti əfv edilməzdir. Sonradan şantaj olunmaqla daha çox girdaba bulaşma ehtimalı var. Zina kişiləri də ləkələyər. Qadın zina etdisə, qadın deyil!
5. Xəyanətdən necə qorunmalı? Atalar sözüdür - "Hər kəslə çörək kəsmə, kəsdiyin çörəyi də tapdalama!" Bu gün mərdlik, iman çox nadir insanlarda qalıb. Dünya malına görə acgözlük baş alıb. Xəyanət isə kişilərdə ailəsinə qarşı zina formasında çoxalıb. Qadınlar isə niyyətdə zinakarlıq, rəfiqəyə qarşı xəyanətdə və sirr satmaqda öyrəncəli olub. Əlbəttə, qeyrətli qadınlar ismətli kişidən daha çoxdur. Hətta bir kişi deyəndə ki, zina xəyanəti etməmişəm, cinsəl problemi olduğundan şübhələnirlər.
Xəyanətdən uzaq olmağa özümüzdən başlamalıyıq.
Xəyanətə uğramamaq üçün etibar edəcəyimiz insanı seçməkdə səbirli olmalıyıq.
Sirri saxlaya bilmiriksə, sirr almamalıyıq ki, verməyək.
Sizə xəyanəti ən çox gözləmədiyiniz biri edə bilər! Küsəndə, dalaşanda barışıq yeri qoymalıyıq. Ən qorxulu düşmən keçmiş dost, rəfiqədir!