Ananızla həyatının bir dönəmində qarşıdurma olmamış bir gənc qız vardırmı?
Əslində uşaqlıq vaxtında başlayan bu qarşıdurmalar bir çox qadının həyatında özünün ana olduğu halda belə uzanıb gedər. Həyatının bir vaxtında bu qarşıdurmaları sonlandıra bilməmiş bir çox qadın anasının itkisi ilə birlikdə daxili hesablaşmalarını bir ömür içində daşımaq məcburiyyətində qalır.
Qız uşaqları, xüsusən, keçid dövrlərində analarıyla tez-tez problem yaşayır. Qarşıdurmalar doğru yönləndirilsə, irəlidəki yaşlarda ana-qız münasibəti yaxınlaşar. Yaxşı yönləndirilmədiyində isə onları sancılı bir sevgi münasibəti əsir alar. Əslində qarşıdurmaların qaynaq dönəmi rəqabətin başladığı uşaqlıq dönəminə dayanır. Qız uşağı iki yaşından etibarən ananı tədqiq etməyə başlayar. Qızlar qadın olmağı anadan öyrənər. İrəliləyən dönəmlərdə ananın təzyiqçi hərəkətləri, rəqabətli qarşıdurmaya yönlənir. Ananın qızının geyimini, dostlarını, telefonda keçirtdiyi saatları tənqid etməsiylə mövzuları dəyişir və yetkinlik üsyanları başlayır. Bu dönəmin uzanmasına anaların səhv hərəkətləri də səbəb olur.
Təzyiqçi ana
Analar qızları üçün önəmli bir dəstəkçidir. Təzyiqçi xarakteri olan analar isə dəstək olmağı müdaxilə etmək olaraq qəbul etməyə çox meyillidir. Qızını özündən fərqli seçimləri olan bir fərd olaraq qəbullanmaqda çətinlik çəkən ana övladı evlənib ana olduğunda belə dəstək fikri altında müdaxilələrini davam etdirərək əslində uşaqlarının həyatlarında təzyiq ünsürü olduqlarını nə yazıq ki, anlamırlar. Bu problem görünüşdə qarşıdurma yoxmuş kimi görünsə də, ana - qız arasında təbii bir səmimiyyətin qarşısını alır.
Dost ana
Qızı ilə dost olmağı seçən analar da müəyyən qədər səhvlər edirlər. Unutmayaq ki, hamımızın bir çox dostu, ancaq tək bir anası var. Bir ananın qızıyla açıq fikirli, əyləncəli söhbətlər etməsi gözəldir. Ancaq övladını özünə dost edib bütün şəxsisini uşağına yansıdan ya da qızının hər anını özüylə bölüşməsini gözləyən bir ana modeli də təzyiqçi ana modeli qədər səhv düşünən və münasibətə zərər verən bir model anadır.
Öz xəyallarını uşağına yükləyən ana
Çox qarşılaşdığımız digər bir hal da ananın reallaşdıra bilmədiyi hallarını qızına yükləməsidir. Kiçik bir qızkən balerina olmaq xəyalları qurduğu üçün uşağın istəmədiyi halda balet kurslarına sürükləyən, öz bəyəndiyi geyim tərzi üçün uşağını zorlayan bir çox ana tanıyırıq. Uşağına yaxşı bir gələcək hazırlamaq istəyərkən uşağını dinləməyi, onun fərqli xəyalları olduğunu unudan analar da qızlarıyla çox daha sərt qarşıdurma yaşayır.
Bəli, ana-qız arasındakı qarşıdurmalar, əsasən, yetkinlik vaxtı üçün təbii bir zamandır. Ancaq münasibətin sağlam irəliləyə bilməsi üçün anaların unutmaması lazım olanlar var:
- Hər şeydən əvvəl uşağınıza şərtsiz sevgi verməlisiniz. Uşağınız səhv etdiyində belə sevildiyini hiss etməlidir.
- Hədsiz nəzarətçi və günahlandırıcı rəftardan uzaq durun.
- Doğru örnək olmalısınız.
- Uşağınızı eşitməli, onun özünü tapmağa çalışan və fərqli düşüncələri olan ayrı bir fərd olduğunu unutmamalısınız.
- Ona inanmalı və güvənməlisiniz.
- Hədsiz müdaxilələrdən çəkinməli, amma uşağınızın hər yaşda dəstəyə ehtiyacı olduğunu unutmamalısınız.
- Səbirli, çox səbirli olmalısınız!
Neçə yaşımıza gələrsək gələk, analarımızla doğru münasibət qurmaq çox gec deyil. Bizi hər anda bağışlamağa və bağrına basmağa istəkli analarımızın qiymətini bir deyil hər gün bilək.