Dərhal hamınız “hə” deyəcəksiniz. Bəlkə hər halda özünüzü yoxlayasınız?
Bəzən hər hansı xanım jestlə maşında əyləşir, mobil telefonda nömrə yığır, dim-dik gəzir, həmsöhbətini dərhal “yerində oturdur”, ona sözatan kişi tayfasını gözünü ağartmaqla, ya da istehası ilə rədd edir... Bu cür qadınlara el arasında “özünə güvənən qadın” adını qoyurlar.
Bəs siz necə, əziz xanımlarımız? Özünüzə güvənirsinizmi? Əlbəttə, dərhal çoxunuz “hə” deyəcəksiniz. Ancaq sizə bir sirr açım. Özünə güvənmə qadınlarımız arasında o qədər də geniş yayılmayan haldır. Sosial vəziyyətin müasir durumu, imkansızlıq artıq qadınlarımızın çoxunu öz caynağı altına alıb.
Hər halda özünü yoxlamağa dəyər. Bizim əsəb sistemimiz, əhval-ruhiyyəmiz özümüzə güvənməyimizdən bilavasitə asılıdır. Verilmiş suallara düzgün cavab verərək hər bir xanım “özünəgüvənmə” kimi çox vacib bir xüsusiyyətə nə dərəcədə malik olduğunu biləcək. Beləliklə, testə başlayırıq:
1.Belə olurmu ki, siz evdən çıxandan sonra qapını yaxşı bağlamamaq, televizoru söndürməmək, qaz plitəsini, su kranını açıq qoymaq barədə şübhələr yaranır?
2. Olurmu ki, sizi yoran elə bir ağır iş görmədiyiniz halda, yorğunluq hiss edirsiniz?
3.Boş yerə, səbəbsiz yerə tez-tez kədərlənir, ruhdan düşür, hər xırda şeyə görə ağlayırsınız?
4.Teatr və konsert zalında, məclislərdə hansı yerdə oturmağınızın sizin üçün fərqi var?
5.Tez-tez yuxu görürsünüz?
6.Telefon qəfil zəng çalanda diksinir, qorxursunuz?
7.Kiminsə qəfil gəlişinə dərhal özünüzü hazırlaya bilirsiniz?
8.Qəfil qərar verməyi bacarırsınız?
9.Paltarınızda ləkə gördükdə, yaxud paltarınız qırışıq, nimdaş olduqda bu, sizi sıxır?
10.Yeni tanışlıqlar yaratmaq xoşunuza gəlir?
11.Hazırlaşdığınız bir yerə getmək ərəfəsində birdən fikriniz dəyişir?
12.Olurmu ki, gecənin bir aləmində bərk aclıq hiss edib oyanasınız?
13.Tənha olmaq, özünüzlə tək qalmaq arzusu çox olur?
14.Kafeyə girəndə, avtobusa əyləşəndə boş yerləri qoyub kiminsə yanında əyləşirsiniz?
15.Öz hərəkətlərinizi başqalarının istəyi, cəmiyyətin tələbi ilə uyğunlaşdırırsınız? Bir iş görəndə “Görəsən mənə nə deyərlər?” dilemması ilə qarşılaşırsınız?
Suallar qurtardı. İndi də keçək cavabların qiymətləndirilməsinə:
1, 2, 3, 4, 6, 7, 11, 12 və 15-ci sualların “hə” cavabına, 5, 8, 9, 10, 13 və 14-cü sualların isə “yox” cavabına 1 xal verilir. Xallarınızı hesablayın.
0 bal. Əgər kimsə “0” bal toplayıbsa, onun bu dərəcədə özünə güvənməsi şübhəli görünür. Yəqin həmin şəxs suallara səmimi cavab verməyib.
1-4 bal. Siz özünüzə kifayət qədər güvənirsiniz. Psixikanız heç bir güclü sarsıntıya məruz qalmayıb. Xarakteriniz çox güclüdür.
5-8 bal. Sizdə özünüzü arxayın aparmaq, ətrafdakı adamları, rəfiqələriniz, partnyor və kolleqalarınızın ümidlərini həmişə doğrultmaq xüsusiyyəti var. Ancaq öz hisslərinizi çox vaxt düzgün büruzə verə bilmirsiniz. Bir qədər qətiyyətiniz azdır.
9-12 bal. Sizin özünüzə güvənmək ehtiyacınız o qədər böyükdür ki, reallıqla istəkləriniz arasındakı uçurum da böyükdür. Risk etmək, hünər göstərmək sizin xarakterinizə ziddir. Bu da böyük həsrət uğurları qazanmaq üçün sizə mane olur.
13-15. Siz təbiətən qorxaqsınız. Hər kəsdən şübhələnir, daim qara xəbər gözləyirsiniz. Şəxsiyyət kimi özünüz özünüzün yetişməsindən qorxursunuz. Bütün bunlar sizə daim uğursuzluqlar, bədbəxtliklər gətirir. Ancaq gec deyil. Əziz xanımlar, heç olmasa, bu gündən belə özünüzə güvənməyə başlayın.
