Məşhur "Brightside" saytı beyinlə bağlı maraqlı araşdırma aparıb. Onlar müxtəlif hərəkət, hiss və qidalarımızın beynimizə necə təsir etməsi ilə bağlı yazı hazırlayıb.
1. Gecələr az yatmaq və ya yuxu əksikliyi yaddaşı zəiflədir və beyinə mənfi təsir göstərir
Araşdırmalara görə gecələr az yatan şəxslərin Alzgeymer xəstəsi olması riski çoxdur. İnsan 8 saat yatdığı zaman beyin onun üçün təhlükəli olan toksikləri özündən uzaqlaşdıra bilir. Əgər insan gecələr kifayət qədər yatmasa, beyin hüceyrələri zədələnir.
2. Uzun müddət davam edən stress beyini məhv edir.
Yaddaşın zəifləməsi, yeni bilgiləri öyrənməkdə çətinlik çəkmək, həvəssizlik, yorğunluq xroniki stressin səbəb olduğu əsas narahatlıqlardır. Bu kimi problemlərdən uzaq qalmaq üçün stresdən qaçmaq vacibdir.
Sevgi və nifrətin ortaq cəhətləri çoxdur.
Sevgi və nifrət hissləri beyinin eyni bölgəsində yaranır. Lakin nifrətdən fərqli olaraq, sevgi məntiqi təfəkkür üçün məsul olan sahələrin fəaliyyətini əhəmiyyətli dərəcədə azaldır.
Gün ərzində kifayət qədər su içmədikdə beyinin ölçüsü kiçilir.
Hamiləlik dönəmində beyinin strukturu dəyişir.
Hamiləlik dönəmində qadınlarda ətrafdakı insanları anlamaq üçün olan beyindəki boz maddələrin miqdarı azalır. Bu isə ananın bətnindəki uşağa qarşı daha diqqətli olması və onu təhlükələrdən qoruması ilə əlaqədardır
Şəkəri bol olan qidalar yaddaşı zəiflədir və öyrənmə qabiliyyətini azaldır.
Romantik sevgi hissləri ilə ana sevgisi çox oxşardır.
Romantik münasibətlər və ana sevgisi hissləri çox oxşardır, ancaq fərqlər var. Məsələn, ehtiraslı sevgi cinsi istəklə bağlı beyin sahələrini aktivləşdirir. Bundan əlavə, narahatlıq və qorxu hissi azalır və eyforiya hissi artır. Ana məhəbbəti isə sevginin formalaşmasında məsul olan sahələri aktivləşdirir.
Şəkil çəkmək beyin fəaliyyətini gücləndirir.
Kitab oxumaq beyin üçün əla idmandır.
Kitab oxuyarkən beynin digər zamanlarda işləməyən hissələri də aktivləşir. Belə ki, kitab oxuyanda qan beyinin idrak məhsulu olan beyin sahələrinə doğru hərəkət edir.
Bəxtiyar Umarlı