Psixoloji yardım nədir?
Psixoloq Size necə kömək edə bilər.
Bezən heyatda insan hələ situasiyalarla rastlaşır ki, o özünü çıxışsız bir labirintdə hiss edir. Təcrübəli psixoloq bu yolda, sanki Sizin bələdçiniz olur. O artiq bu labirintin çıxışlarını bilir və Sizə bu sınaqdan kecməyə kömek edə biləcək bir insandır.
Psixoloqa sağlam, psixi cəhətdən normal insanlar müraciət edir. Bəziləri özünü daha yaxşı anlamaq istəyir, şəxsiyyət kimi formalaşıb həyatda uğur əldə etməyi arzulayırlar. Digərləri həyatlarında sarsıntı yaşamış insanlardır. Mürəkkəb situasianı anlamaq üçün onlara yardımçı kimi psixoloq cox yaxşı kömək edə bilər. Məsələn belə çətin problemlərə:
Boşanma;
İşdən azad olma;
Məni əks cinslə münasibətlərimdə uğursuzluq izləyir. Ondan necə xilas olum?
Mən onu sevirəm, amma o mənə nifrət edir.
Depressiyadan necə çıxım?
Heyatın mənasını itirmişəm. Gələcəyə ümüdsizəm.
Yaxın insanın itgisi.
və başqaları aiddir.
İlkin konsultasiya nədir?
Adətən bu günü çoxları tə'xirə salır, heç çür özlərini hazırlaya bilmirlər. Hər dəfə hansisa maneə onların qarşısına çıxır. Ən çox narahat edən sual isə: Mən nə danışacam? Birdən məni başa düşmədilər? kimi olur.
Ən düzgün və sadə variant səmimi olmaqdır. Və problemi həlli tapmaq məqsədidir. Qalan prosedur təcrübəli psixoloqdan asılıdır.
Psixoloqda ilk görüş: tanışlıqdan, problemi təyin etməkdən və sizin suallarınızı cavablandırmaqdan ibarətdir. Tədricən görüşdən- görüşə hər dəfə qoyulmuş problem həll olunacaq və Siz gözlədiyiniz rahatlığı tapacaqsız.
Bəzi qohum-qonşular psixoloq kimi öz diqqətləini, qayğısını təklif edirlər: Hə, burda nə var ki, gəl mənə danış, mən də deyim hər şey yaxşı olacaq, vəssalam. Amma bu belə deyil. Təcrübəli psixoloqdan Siz obyektiv məsləhət ala bilərsiz. O sizin kecirdiyiniz hisslərə psixoloq mövqeyindən yanaşacaq və ən əsası Sizi olduğunuz kimi qəbul edəcək.
Nə üçün psixoloq xidməti, məsləhəti ödənişlidir?
Psixoterapiya - əyləncə deyil, çox ciddi və dərin prosesdir. Psixoloq insanın ən incə olan QƏLBİ ilə işləyir. Terapiya ağır işdi. Ödənişli əlaqələr insanı başqasının vaxtından istifadə üçün təqsır, günah hissindən azad edir. Psixoloq və ona müraciət edən insan arasındakı münasibətlər daha rahat və səmimi olur.
Təcrübənin nəticələrinə əsaslanaraq demək olar ki, ödənişli məsləhət zamanı hər iki tərəf daha səmərəli işləyir: müraciət edən insan istəyir pulu artıqlaması ilə çıxsın, problemin həllində yardımçı olur; psixoloqa isə onun bu yanaşması daha çox yardım edir.
Size ugurlar.