Əziz Qadin.Netlilər, hər birimizin şəxsi problemləri və heç də xoş olmayan düşüncələrə qapıldığı günlər olur. Mən bu xəbərim sayəsində hər birimiz pozitiv düşünməyə və hər şeyə daha açıq zehinlə baxmış olacağıq. Unutmayın, həyat - həll edilməsi vacib olan məsələ deyil, həyat - bizim çəkdiyimiz rəsm əsəridir.
Pozitiv olmaq üçün vacib olanlar bunlardır:
1. Sizinlə bağlı baş verən bütün yaxşı nəsnələri yazın. Sizə kömək edən insanlara öz təşəkkürünüzü bildirin.
2. Hər gün gülümsəyin. Təbəssüm beyninizə sizin xoşbəxt olduğunuz haqqında siqnal göndərir. Xoşbəxt olanda isə orqanizm əhval-ruhiyyəni qaldıran endorfinləri istehsal etməyə başlayır.
3. Öz sağlamlığınızı yaxşılaşdırın. Faydalı qidalar yeyin, istirahətə vaxt ayırın.
4. Pozitiv iddialar irəli sürün, pozitiv hekayələr oxuyun.
5. Düz oturun, gülümsəyin, qürurla gəzin, dərindən nəfəs alın. Bunu 60 saniyə ərzində etməyə cəhd edin və siz fərqi hiss etməyə başlayacaqsınız.
6. Emosiyalarınıza fikir verin: neqativ emosiyalar fikirlərinizin neqativ olduğunu göstərir. Diqqətlə fikir verin: əgər siz fikirləşirsiniz ki, 100 faiz bunu edə bilərsiniz, demək, siz haqlısınız. Yox əgər siz düşünürsünüz ki, bunları bacarmayacaqsınız, siz yenə də tamamilə haqlısınız - bunu etmək mümkün deyil!
7. Xatırlayın: dünyada bütün mövcud olanlar nə vaxtsa kiminsə xəyalı olub. Bəşəriyyətin tarixi - sadəcə özlərinə inanan insanların yalnız kiçik bir hissəsinin bəşəriyyətidir.