Salam, əziz xanımlar, bu gün sizlərlə bir türk xanımının stresden və gərginlikdən necə xilas olduğu haqda xəbər paylaşmaq istəyirəm. Çağla Büyükburc adlı xanımın bu cür stresdən xilas olur.
Fasilə verin.
Çox vaxt işiniz və ya əhəmiyyətli bir layihə sizin stress qaynağınıza çevrilir. Buna görə də işinizə kiçik bir ara vermək stress azaltmağın ən asan yoludur. Sadəcə özünüzü işdən uzaqlaşdıraraq, gerçək mənada işdən uzağa gedərək istirahət edə bilərsiniz. Bu xüsusilə uzun və yorucu işlər üçün etibarlıdır. Buna görə biraz fasilə verin, bir stəkan çayla beyninizi biraz istirahət etdirin. Vaxt itirməklə əlaqədar narahatlıqlarınız varsa, saat qurun, saata baxmayın və siqnal çalana qədərki müddəti sadəcə özünüzə ayırın.
Dərindən nəfəs alın.
İntensiv nəfəslər bədəninizə və beyninizə oksigen axışını asanlaşdıraraq rahatlıq və təmiz bir zehin təmin edər. Araşdırmalar göstərir ki, dərindən nəfəs almaq eyni zamanda gərginlik hissini azaldır. Mən 4-7-8 nəfəs texnikasından istifadə edirəm. Burnunuzdan nəfəs alın və alarkən dördə qədər sayın. Bundan sonra yeddiyə qədər sayın və bu yeddi saniyə ərzində nəfəsinizi saxlayın. Arxasınca ağzınızdan qüvvətli şəkildə nəfəs verin (bu formada diafraqmanız şar şişirirmiş kimi olacaq) və bunu edərkən səkkizə qədər sayın. Bu dövrü üç-dörd dəfə təkrarlayın. Dərin nəfəs alma məşqlərinizi səssiz bir yerdə etsəniz, daha yaxşı olar.
Sağlam bir nahar edin.
Bəzən bədənimizin stresin qarşısını almağı üçün uyğun bir gücə ehtiyacı olar. Ruh halınızı düzəldib stressi azaldacaq sadə sayıla bilən və tez hazırlanan bəzi qəlyanaltılar arasında bananı, fındıq əzməsini, quru qaysını, fındığı və ya təzə və şəkərsiz olan hər hansı bir qidanı saya bilərik. Bir meyvə qarışığı və ya təzə sıxılmış portağal suyu da möcüzəvi variantlardandır.
Duş qəbul edin.
Bu günün ortasında müraciət edə bilməyəcəyiniz bir çıxış yolu ola bilər. Ancaq əgər edə bilsəniz, mütləq bir duş qəbul edin. Bu stressi qovan, sizi rahatladan və zehininizi boşaltmaq üçün möcüzəvi bir üsuldur. İlıq suyun altında dayanmaq bəzən mənim günümün ən rahat anlarını yaradır, uşaqlarım doxsan saniyə sonra qapını yumruqlamağa başlasa belə. Mənim günorta duşlarım mənə özümlə tək qalmaq, zehnimi boşaltmaq, istirahət etmək və hətta bəzən zehni bir böhranı aşmaq üçün şans yaradır. Əlavə təmizlik heç bir zaman pis deyil!
Arxaya sökənin.
Günəşi salamlamaq və ya sadəcə ayaq barmaq uclarınıza toxunmaq üçün bir dəqiqə ayırın. Qanınızın bədəninizə pompalanmasına icazə verin və mənfi enerjinizdən xilas olun. İşə bağlanıb getmək və başa düşmədən kompyuterin yanında əsəbi halda üç saat keçirmək elə asandır ki. Bir dəqiqə özünüzə vaxt ayırın, geri gedin, stula söykənin və bir az istirahət edin.
Çölə çıxın.
Təmiz hava və gün işığı xoşbəxtlik dərmanlarının ən təbii halıdır! Günəş işıqlarından bir az D vitamini almaq özünüzü yaxşı hiss etmənizi təmin edər, ruh halınızı göylərə çıxarda bilər.
Məşq edin.
Gərginlik və stresslə mübarizə aparmağın ən sağlam yollarından biri məşq edərək ürək döyüntülərinin sürətini artırmaqdır. Məşq seratonin miqdarını artırır və geridə çox daha xoşbəxt bir biz buraxır. Bu da o deməkdir ki, sürətli bir aerobik məşqi və ya qısa bir qaçış ruh halınızı yüksəldib sizi stresdən qurtara bilər.
Musiqiyə qulaq asın.
Ən sevdiyiniz mahnının səsini sonuna qədər açmaq sizə stressi qapıdan qovmaq və xoşbəxt olmaqdan başqa bir şans buraxmır!
Əllərinizi yuyun.
Çox ciddiyəm. Bu, həqiqətən, işə yarayır, and içirəm! Ağlınızdan milyon fikir keçərkən ən sevdiyiniz sabununuzu götürün, sonra da gözəl bir əl kremi alın və əlinizi yuyaraq stress atın. İlıq su, gözəl iy, bədən təması... Bunların hamısı əhvalınızı yüksəldərək zehininizi rahatlaşdırar. Mən gündəlik işlərimi və axşam yeməyi fikirlərimi əllərimlə maraqlanarkən planlamağı sevirəm.
Bir dostunuza zəng edin.
Bəzən sadəcə öz fikirlərimizdən uzaqlaşmaq və ən yaxın dostumuzla danışmaq istəyərik. Sadəcə sizi nəyin sıxdığından danışsanız belə, yaxşı hiss etmənizə və hətta bəzən problemi həll etmənizə kömək edə bilər. Həm də ki, yaxşı dostlar nə üçün vardır? Onları axtarın, bir az söhbət edin və bunun sizi nə qədər yaxşı hiss etdirdiyini görün.
Keçmiş şəkillərə baxın.
Əvvəlki şəkillərinizə baxmaq sizdə xoş xatirələr yaradacaq və bununla da xoş təəssüratları üzünə qapı açacaqdır. Bundan əlavə sevdiklərinizin, ailənizin də şəkillərinə baxa bilərsiniz.
Minnətdarlıq gündəliyi
Məhsuldarlığa dair bütün motivasiyanızı alıb aparan narahatlıq keşiklərinə qarşı minnətdarlıq gündəliyi kefinizi yerinə gətirməkdə kömək edə bilər. Ən çox təşəkkür duyduğunuz şeyləri bir yerə yazmaq sizi psixoloji sərhədləri aşmağınız üçün motivasiya edəcək. Köhnə xatirələrinizi oxumaq belə narahatlıq və stressi aradan qaldırmaq üçün olduqca faydalı bir üsuldur.
Bir selfie çəkin.
Kefinizi geri gətirmək üçün bir selfie çəkin. Bunu bilirsiniz ki, müvəffəqiyyətli bir selfie üçün o gözəl gülüşünüzü geri gətirməli və ya sizə aid o maraqlı üz ifadəsini kameraya göstərməlisiniz, elə deyilmi? Hətta indidən əhvalınız biraz da olsun düzəldi!
Əhvalı yüksəldən gözəl sözlər
Seçilmiş kefinizi açan gözəl sözlərinizi və ifadələrinizi hər zaman görə biləcəyiniz bir yerə qeyd edin ki, hər gördüyünüzdə kefiniz biraz daha yerinə gəlsin. Bu məşhur bir kitabdan sitat da ola bilər, bir şeir də ola bilər. Mən üzərində "Səbirli ol!" yazılan bir kağızı hər zaman stolumda saxlayıram ki, həm uşaqlarıma, həm də özümə həmişə sakit qalmağı xatırladım. Siz də eynisini etməyi yaddan çıxarmayın.
Biraz uzanın.
Əgər hər şeyi yoxladınızsa və yenə də stressdən can qurtara bilmədinizsə, yatmağa keçin. İşığı söndürün, pərdələri bağlayın, zehininizi təmizləyin, göz qapaqlarınızı yumun və qoyunları saymağa başlayın. Çox vaxt üzərindən stressə düşdüyünüz şeylər buna dəyməyən şeylərdir və yenə çox vaxt öz-özlərinə həll edilər. Yatmaq bir gərginlik böhranına girməkdən çox yaxşıdır.
Bunlar mənim ən işə yarayar stress və gərginlikdən xilas olma yollarımdı. Bəs sizin stresslə döyüşmə yollarınız nələrdir?
