Bayrama hazırlıq və bayram özü bizim üçün xüsusi vaxtdır. Məhz bu dövrdə həyat eyni adətlərin çərçivəsindən kənara çıxır və həyat prinsipləri, əhval-ruhiyyə dəyişir. Və belə anlarda psixoloqların fikrincə, davalar və münaqişələr tez-tez yaranır.
Məhz bu dövrdə korporativ münasibətlərə hazırlaşmaq, bir çox işgüzar partnyorlara təbrik məktubları göndərmək, bütün qohumlar üçün hədiyyələr almaq, şam ağacının başına uşaqları toplamaq, öz geyimini, saç düzümünü və makiyajını fikirləşmək və s. tələb olunur. Çox insanda belə hiss yaranır ki, onu sanki şənlənməyə "məcbur edirlər". Və daha çox depressiyaya düçar olur, bu da onu kədərlənməyə, küsməyə və münasibətləri müəyyənləşdirməyə məcbur edir.
Gözəl bir duş qəbul edin. Səhər duşu insanı həvəsləndirir və axşam isə bütün yorğunluğu çıxardır. Rejimə riayət edin. Özünüz üçün yuxunun lazımlı normasını hesablayın və yuxu rejimi təşkil edin. Həmişə eyni vaxtda yatmağa çalışın. Unutmayın ki, öz orqanizmindən qiymətli saat hər hansı işlərin yerinə yetirməsi deyil, bunun üçün yuxunuza haram qatmayın, həm də fikirləşin ki, heç kəs sizə belə qurbanlar üçün təşəkkür etməyəcək.
Dekabrın 30-dan 31-nə keçən gecə doyunca yatın. İlin son gününü tələsmədən başlayın, istirahətlə işləri növbələyin. Özünüz üçün bayram vəziyyətini təmin edin – xoş musiqi qoşun, yeni il proqramlarına baxın, uşaqlardan sizə şeirlər danışmağı, mahnılar oxumağı xahiş edin. Yeni il haqqında qohumlarla söhbət edin, bayram münasibətilə bağlı şən və gülməli tarixləri yadınıza salın və bunu qohumlarla bölüşün.
Yeni il tədbirlərini planlaşdırın. Əgər onlar lap çoxdursa, hər şeyi saat üzrə bölüşdürün. Əgər hiss edirsinizsə ki, öhdəsindən gəlməyəcəksiniz, ailə üzvlərinin arasında vəzifələri bölün və ya ən az əhəmiyyətli işlərdən imtina edin.
Fikir ayrılıqlarından necə qaçmaq olar?
Özünüzlə təklikdə düşünün: "Bəs mənim hisslərim bu qədər dəhşətli olacaq? Məgər mən bayramı sevgilimin ssenarisi üzrə keçirməyə razılaşacağam? Əgər evdə qalacamsa, həyat yoldaşımla birlikdə bir çox müxtəlif dadlı yeməkləri hazırlayacağamsa, əsl şam ağacının ətiri ilə nəfəs alacağamsa və Yeni ildə fişənglər atmağa gedəcəyəmsə, onda necə?" Bütün variantların üstünlüklərini və mənfiliklərini təhlil edin. Hansı plan həqiqətən yaxşı olacaq?
Hər ikinizi təmin edəcək güzəştli variant fikirləşin. Məsələn, Yeni ilə qədər Taylanda getmək olar, amma bayram evdə qarşılanmalıdır. Və ya əksinə, yanvarın 2-dən etibarən bir həftəlik çimərliyə getmək olar.
Hər kəsin könlünün istədiyi kimi ruzili, bərəkətli xoş və şən bayram arzu edirəm!
