Səmimiyyət çox gözəldir. Sadəcə sizə yaxşı təsir etdiyi üçün deyil, hər zaman əldə edilən bir duyğu olmadığı üçündür. Qadınların nəyin qəlbdən olub-olmadığı düşüncəsi, kişilərin hər zaman maraq obyekti olub. Bu məsələdə kişilər hər zaman sinifdə qalıb. “Səni sevirəm” cümləsi çox şey ifadə edə bilən, vacib bir sözdür, amma bütün sevginizi, səmimiyyətinizi bu iki kəlmə ilə ifadə etmək çox çətindir. Kişilərin sevdikləri qadına səmimiyyətini göstərə biləcəyi məsləhətlərimiz;
1. Ona yemək bişirin.
İlk növbədə, hər kişinin yemək bişirməyi bilməsi lazımdır. Usta bir aşbaz səviyyəsində olmasa da, özü-özünü idarə edə biləcək qədər bilməsi lazımdır. Öz yeməyinizi bişirmək daha etibarlı olar. İçində nələrin olduğunu bilmiş olursunuz. Sevgiliniz üçün bir yemək bişirmək isə çox təqdirə layiq və onu xoşbəxt edəcək bir davranışdır. Masanı hazırlayın, şamı yandırın, bir də xoş, gözəl musiqi arxa fonda çalsın... Sonra yeməyinizi yeyin. Bir az romantika çox gözəldir.
2. Birlikdə ulduzları seyr edin.
Zatən səmanın və ulduzların inanılmaz rahatlıq bəxş edən təsiri var, bir də bunu sevdiyiniz insanla yaşadığınızı düşünün. Çox səmimi və gözəl bir gecə olar. Baharda, havalar isinməyə başlayır. Birlikdə gəzintiyə çıxın, hava qaralmağa başladığında da uzanın yaşıl otların üstünə və yanınızda bütün qəlbinizlə sevdiyinizdən başqa heç bir şeyi düşünməyin.
3. Birlikdə səyahət etdinizmi?
Avtomobilinizə minin, avtomobiliniz yoxsa avtobus biletinizi alın və səyahətə çıxın. Hər nə qədər uzun yolçuluqlar məsləhət görsək də, qısa olmasının bir problem yoxdur. Vacib olan onunla yeni bir yer kəşf etmək deyilmi? Həm də birlikdə səyahət edərək gələcəkdə danışa biləcəyiniz yeni xatirələriniz olar.
4. Ehtiyacı olduğunda onu qoruyun.
Əslində, özünü qoruyacaq bir çox qadın olduğu kimi, özünü qorumayacaq bir çox kişi var. Qadınların özlərini qorumayacaqlarından bəhs etmirik, amma yenə də onun üçün mübarizə aparan birini görmək onları xoşbəxt etməyə kifayətdir.
5. Sizi xəstə edəcək olsa da yanında olun, əlini tutun.
Səmimi davranışlar yalnız həyatın həmişə gözəl anlarında meydana çıxacaq deyil. Tərli, kirli zamanlarda ya da qrip olduğunda, heç qəribə qarşılamadan eqo ilə davranmadan onun yanında olduğunuzu hiss etdirin. Bir şorba bişirin, ev işlərində ona kömək edin. Yanında qalıb sevginizi göstərin, bu hər iki tərəfi xoşbəxt edər.
6. Ailələri ilə tanış olun.
Uzun müddətli münasibətlərdə bu qaçınılmaz vəziyyətdir. Filmlərdə, seriallarda qorxunc anladılsa da, əslində çox xoş bir hadisədir. Sevgilinizin ailəsi ilə tanış olmanız, həm ailəsinə həm də ona dəyər verdiyinizin sübutudur. Sadəcə onun ailəsilə tanış olmayın, siz də onu ailənizlə tanış edin. Xoşbəxtliyinizi bölüşmək onu azaltmayacaq, əksinə daha da artıracaq.
7. Birlikdə gələcəyə dair planlar qurun.
"Səni sevirəm.." cümləsi elə də diqqətə alınmayacaq bir cümlə deyil… Amma əgər onun gələcəkdə də yanınızda olmasını istəyirsinizsə, bu cümləni qurun. Birlikdə gələcəyə aid planlar qurmanız, onu həyat yoldaşınız olaraq görməyiniz, bəlkə uşağa sahib olmaq istəyiniz, iki tərəfin də münasibətlərinin gözəlliklərinə həvəsləndirəcək. Sevgiliniz də, sizin onunla həqiqətən gözəl bir gələcək xəyal etdiyindən xəbərdar olub, xoşbəxt olacaqdır.
8. Əslinə baxsanız, onu heç tənha qoymayın.
Bir ömür yanında olun. Sözlər uçar gedər… İnsanlar hər zaman necə sözlər demirlər ki? Vədlər veririk, tutmuruq, yalanlar danışıb, fikrimizi dəyişdiririk. Amma səmimiyyət belə bir şey deyil, olmamalı da. Sağlam, möhkəm bir münasibət inşa etmək, etibarlı mühit yaratmaq, qarşılıqlı anlayış yarada bilmək illəri alan bir müddətdir. Hər halda, bir cütlük arasında keçən ən səmimi an, illər geriyə dönüb baxdığında bir-birləri üçün nələr etdikləridir və sonra üzlərində yaranan isti təbəssümlərdir. Sevgi gözəl bir şeydir, tapdığınızda itirməyin!