Sevgi nədir?
1. Onu tək görəndə deyil, onun barəsində düşünəndə artıq ürək tup-tup döyünür səndə.
2. Hər bir insanın qoxusu var, o insanın qoxusu sənin burnundadır hər zaman. Bu qoxu dünyanın ən gözəl qoxusudur.
3. Onun kim, nəçi olduğu sənin vecinə belə deyil, sənin üçün əsas odur ki, o səni sevir və sən də onu.
4. Onu ona görə qısqanırsan ki, onun ancaq sənə aid olduğunu istəyirsən. Hətta dostlarına belə qısqana bilərsən.
5. Onun səsi dünyanın ən cazibədar səsidir sənin üçün.
6. “Kişilər ancaq başqa orqanı ilə düşünür “– deyimi ona aid olmur, o səni sevirsə, səninlə yatağa girmədən daha çox səninlə sadəcə olaraq bir insan kimi üz-bə-üz oturub ürəkdən söhbət etmək istər.
7. Nə olursa olsun, bircə sənə olan sevgisi heç vaxt bitməsin – kimi əsas bu fikir beynində fırlanır.
8. O insan sənə doğma insan olur, ailə üzvlərindən biri kimi.
9. Ona həm yar, həm dost, həm də ana kimi qayğıkeş də olmaq istəyirsən, o da sənə lazım gələrsə, ata qayğısı kimi öz istiliyini və diqqətini göstərər, sən bunu hiss edərsən.
10. Yanında olmasa da, fikrində onunla səhəri açıb onunla gününü bitirərsən.
11. Hər zaman beynində onunla danışarsan.
12. Onun hər bir xırda fikri səni maraqlandırar, eyni zamanda o da sən nəsə danışanda diqqətlə gözlərinin içinə baxıb səni dinləyər.
13. Siz son tikə çörək qalsa da onu birlikdə aranızda bölüb yeyərsiz.
14. O səni sevirsə, hər zaman dostlarla olan gəzməyi kənara qoyub sakitlikdə səninlə görüş keçirdər, vaxtını səninlə keçirtməyi daha çox dəyərləndirər.
15. Hər zaman qorxar ki, onun yerini başqası tutar.
16. Ən kifir halında belə onun gözündə gözəl olarsan, bunu dilə gətirməsə də gözlərindən anlarsan.
17. İllərlə bu hisslər bitməyib zamanla sınaqdan keçər.
18. Onun üçün başqa qızlar səndən sonra kölgədə qalar, hətta səndən gözəlləri belə.
19. Onun tək varlığı, bu cür insanın həyatında olmağı səni ən pis və depressiv hallarda belə təsəllik verər.
20. Onun hər bir mesajı sənə doğma gələr, hər bir sevgi məktubunu, mesajını, mailini dəfələrlə təkarar edib oxuyarsan, doymazsan.
21. Səninlə nəfəs aldığını sənə utanmadan söyləyər, sənə olan sevgisindən danışanda sevinclə deyil, xüsusi bir qəm, kədərlə bunu deyər ki, özünün sənin qabağında necə aciz olduğunu anladığını hiss edərsən.
22. Sənsiz bir neçə saat ayrı qalsa da, mütləq çox darıxdığını deyər, sənin onun yanında hər zaman olduğunu istər.
23. Səndən övlad istər.
24. Hər dəfə görüşdən ayrılanda qəmlənər, hətta sabahsı gün də görüşəcəksinizsə, o yenə də sabaha qədər o görüşü necə gözləyəcəyinin dərdini çəkər, elə sən də.
25. Sən də, o da çalışıb bir-birinizi unutmaq üçün başqaları ilə başınızı qatmaq istəsəz də, yenə də “bu o deyil” fikri ilə yenidən elə öz sevgilinizə qayıdarsız, ayrıla bilməzsiz bir-birinizdən.
26. Əlindən tutanda bütün dünyanın dayandığını, küləklərin susduğunu, zamanın donduğunu hiss edərsən. O zaman sizdən başqa dünyada heç nə mövcud olmaz. Və bu anı dayandırmaq istərsən, “zaman keçməsin!” deyərsən.
Bu yazılanlar heç bir saytdan, heç bir tərcümə edilmiş yazıdan gəlməyib, bu sadalanları özüm, sevgi haqda olan fikrimi sizə geniş izah etmişəm. Aranızda bu siyahıya əlavələri olanlar varsa, buyursunlar.