Qısqanclıq demək olar ki, qədim zamanlardan bəri gələn xəstəlik kimi hissdir. Bizi bizdən edən, içimizi yeyib bitirən mənfi hiss.. Bəs qısqanclıqdan necə xilas ola bilərik? Özümüzü bu hisslərdən necə qoruya bilərik? Bizi təsiri altına aldığında nə etməliyik? Bütün bu sualların cavablarını gəlin, birlikdə tapmağa çalışaq.
Qısqanclıq tamamilə normal və insani bir hissdir və mənşəyi uşaqlıq dövrünə qədər söykənir. Ailədə yeni doğulan körpə və diqqətin həmin körpəyə yönəlməsi qısqanclıq duyğusu ilə tanış olmağımıza səbəb ola bilir. Bu zaman tərk edilməkdən və gözdən düşməkdən qorxarıq. Qısqanclıq uşaqlar arasında bu şəkildə inkişaf edir. Həyatımızın sonrakı zamanlarında isə bu uşaqlıq dövrlərindəki qısqanclıq hissi əlaqələrimizdə davam edir. Hamımız zamanla qısqanırıq, amma güclü qısqanclıq duyğusunun əsl səbəbi adamın özünə olan etibarsızlığıdır. Qısqanc bir insan yalnız sevdiyi şəxsin sədaqətindən şübhə etməklə qalmaz, öz cazibədarlığından da şübhə edər. Özlərini birlikdə olduqları insanın sevgisinə layiq olmadıqlarını fikirləşərlər.
Həyat yoldaşımızı, sevgilimizi, bir başqasının müvəffəqiyyətini və s.. bu nümunələri çoxalda bilərik. Bu mənfi duyğu halı ilə necə mübarizə apara bilmək üçün nələr etməliyik?
1- Özünüzə Güvənin
Yaşadığınız bütün mənfilikləri unudun. Bu sayədə yaşanmaq ehtimalı olan mənfiliklərlə də daha asan başa çıxacaqsınız. Müvəffəqiyyətinizə təsir edəcək mənfilikləri unudun. Özünüzlə olan ünsiyyətiniz də çox əhəmiyyətlidir. Özünüzə nə söyləsəniz beyin bunu edə bilmək üçün bütün gücü ilə çalışacaqdır. Buna görə özünüzə düzgün sualları soruşmalısınız. Heç bir işinizi sabaha buraxmayın, təxirə salmayın. Müşahidə etmə qabiliyyətinizi inkişaf etdirin və həyat enerjinizi yüksəldin.
2- Bir siyahınız olsun
Qısqanclıq duyğunuza təsir edən hiss vəziyyətlərinin siyahısını tutun. Bu siyahı özünüzə və duyğularınıza daha obyektiv bir gözlə baxmanızı təmin edəcək . Bu siyahı pis duyğulardan təmizlənmənizi təmin edəcək. Mənfi qısqanclıqları həyatınızdan yavaşca çıxara biləcəksiniz. Rolları dəyişdirin və birlikdə olduğunuz insanın başqası ilə söhbəti zamanı hər səfər qısqanclıq etməsinin məntiqli olub olmadığını ya da vəziyyətə həddindən artıq reaksiya verib vermədiyini soruşun.
3- Ünsiyyət qurun
Sevdiyiniz şəxslə danışın. Qorxularınızı, narahatlıqlarınızı ona bildirin. Əmin olun ki, onunla hər şeyi bölüşsəniz əvvəlki tək qıcqanclıq problemləriniz olmayacaq.
4- Bir-birinizə bitişik yaşamayın
Özünüzə zaman ayırın, hobbiləriniz olsun. Şəkil çəkin. Musiqi dinləyin, gözəl bir kitab oxuyun, əl və ev işləriniz üçün zaman ayırın. Partneriniz çölə çıxdığında siz də çıxın. Yoldaş və dost söhbətlərinə qatılın. Sevdiyiniz adam və siz bir-birinizdən ayrı zaman keçirin ki, danışıb paylaşacaq mövzular və söhbətləriniz bol olsun. Evə qayıdanda onu, bütün gün nə etdiyiylə əlaqədar sorğu suala çəkməyin.
5- Özünüzə dəyər verməyi öyrənin
Tək başınıza və ya tərəf müqavilinizlə özünüzün müsbət xüsusiyyətlərinizi siyahıya alın. Fiziki baxımdan cazibədar olan bölgələrinizi və sevgilinizin sizdə bəyəndiyi bütün xüsusiyyətlərinizi bir kağıza yazın. Nə vaxt qısqanclığınızın artdığını hiss etsəniz, bu siyahınızı oxuyun və özünüzə onun sizi sevdiyini və o sarışın qızı qısqanmanız üçün heç bir səbəb olmadığını xatırladın.
Sevgiliniz haqqında davamlı mənfi ssenarilər inkişaf etdirmək və onun sizə sadiq olub olmadığını düşünmək düzgün deyil və bu qısqanclığınızın həyatınızı əlinə aldığının göstəricisidir. Əgər bu nöqtədəsinizsə, bir mütəxəssisdən kömək almağınız və onun, sizin özünüzü yenidən kəşf etmənizə, özünüzə və sevgilinizə etibar etməyinizə icazə verməyiniz lazımdır.