Şöhrətin insana xoşbəxtlik gətirmədiyini deyiblər. Bu, heç də doğru deyil. Tanınmış bir çox şəxslər var ki, onlardan bizlərə qalan aforizmlər bir daha sübut edir ki, xoşbəxtliklə məşhurluq birlikdə ola bilər. Gəlin onlara bir nəzər salaq.
1. "Nə olursa-olsun, şən və xoşbəxt olmaq qərarında tam ciddiyəm. Çünki öyrəndim ki, qədərimizin və bədbəxtliklərimizin böyük bir qismi vəziyyətdən deyil, bizim özümü necə yönləndirməyimizdən asılıdır." (Marta Vaşinqton)
Nikbin insanlar səbəb olmadığı müddətdə belə xoşbəxt olmağı bacarırlar. Xoşbəxtlik şəxsiyyətinizin bir parçası halına dönüşdükdə ən kiçik detal belə sizi xoşbəxt etməyə kifayət edəcək.
2. "Hadisələr yox, mən özüm-özümü xoşbəxt və ya bədbəxt edəcək bir gücə sahibəm. Bunlardan hansını seçəcəyimə mən özüm qərar verə bilərəm." (G.Mark)
Çətin anlarda xoşbəxtmi, yoxsa bədbəxtmi olmaq istədiyinizi özünüzdən bir soruşun. Seçim sizindir.
3. "Xoşbəxtlik düşündüklərinizin, dediklərinizin və etdiklərinizin bir-biri ilə uyuşmasındadır." (M.Qandi)
İstədiklərinizi başqa insanların seçiminə görə uyğunlaşdırmayın. Nə istədiyinizi düşünün və imkan daxilində doğru olan istəklərinizi əldə etməyi öyrənin.
4. "Başqalarının sizin üçün xoşbəxt olmağını gözləməyin. Əldə edə biləcəyiniz xoşbəxtlik sizin öz əlinizdədir." (Alis Volker)
Xoşbəxtliyi bəxş edəcək insanı gözləməkdən daha darıxdırıcı bir şey yoxdur. Niyə? Ona görə ki, elə bir insan yoxdur. Xoşbəxtliyi əldə etməlisiniz, onu heç kim gətirib sizin əlinizə verən deyil.
5. "Hər an hər şeyi ən yüksək dozasında istəsəniz, xoşbəxt ola bilməzsiniz. Xoşbəxtlik balans, uyğunluq, ritm və harmoniya istəyir." (Toman Merton)
Bütün günü xoşbəxt olaraq keçirmək istəsəniz, daha çox streslə qarşılaşarsınız. Xoşbəxtliyinizi beyninizdə ölçməyə çalışın və birdən-birə hədsiz bir xoşbəxtlik gözləməyin. Onu az-az artırın.
6. "Xoşbəxtliyin resepti: Keçmişə tez-tez səyahət etməyin." (Andre Mauris)
Gözəl anları xatırlamaq sizi bir müddət xoşbəxt edər, amma xoşbəxtliyinizin əsl qaynağı sizin yaşadığınız indiki an olmalıdır. Keçmişdə ilişib qalmaq bu gününüzü dəyişdirməz. Xoşbəxt olmaq üçün indiki zamanınızı dəyərləndirin. Keçmişdəki xoşagəlməz hadisələrin sizin indiki xoşbəxtliyinizi əlinizdən almağına imkan verməyin.
7. "Gələcək: Bu zaman kəsiyində olan münasibətlər, yoldaşlıqlar və keflər hər zaman yaxşı olmuşdur." (A. Bierce)
Gələcək üçün gözlənti və ümüd içində olmaq yaxşıdır, amma önəmli olan anın xoşbəxtliyini yaşamaqdır.
8. "Xoşbəxt olan başqalarını da xoşbəxt edər." (Anna Frank)
Bu bir həqiqətdir. Gülümsəmək qarşınızdakını xoşbəxt edər. Ona görə də harada olursunuzsa, olun daim xoşbəxtliyinizi paylaşın və çalışın ki, ətrafınızda daim xoşbəxt, nikbin insanlar olsun.
9. “Pul sizi xoşbəxt etməz... Amma hər kəs yoxlayıb görmək istəyir.” (Z.Ziqler)
Xoşbəxtliyi pul ilə satın almaq mümkün deyil. Ona görə də xoşbəxt ola bilmək üçün ətrafınıza boşu-boşuna pul saçmayın. Daxilən xoşbəxt olmağı yoxlayın. Düşüncələrinizi dəyişin.
10. "Xoşbəxt arvadınız vardırsa, xoşbəxt; bədbəxt arvadınız vardırsa, filosof olarsınız." (Sokrat)
Çoxumuz üçün xoşbəxtlik ətrafımızda sevdiyimiz insanların olması və o insanların da bizi sevdiyini bilməmizdir. Bu, doğru bir seçimdir. Sevgi olmasa, xoşbəxtlik də olmaz.