Hərdən xəyalən ömür yollarına dönürük,insan keçmişinə kiçik bir səyahət edirik.İlləri qova-qova irəli getmək üçün cəhd göstərərkən,nədənsə müəyyən məqamdan sonra ötən illərin həsrətini çəkirik,qayıtmaq istəyirik birdə o illərə.Əgər o günlərdən şirin xatirə qalıbsa.Həyatın öz qanunları var,bəzən yazılmamış qanunlar çaşdırır bizi.Axı niyə belə oldu sualı narahat qəlbimizə hakim kəsilir.İnsan dünyaya göz açandan və bu dunyanı tərk edəndən yaşamaq eşqi ilə,yaratmaq həvəsi ilə yeni sabahlarını açır.Lakin hər bir sabahın ona nə vəd edəcəyini bilmir.Tanrıya dualar edirk ki,bizə xoş günlər nəsib etsin.Amma hər birimiz qəlbimizdəki ikinci mən`ə etiraf etməliyik ki,addımladığmız enişli,yoxuşlu həyat yollarından bəzən özümüz səhvə yol veririk.Bunun üçün heç kimi qınamaq lazım deyil.Deməli insan həyat yolunu tanrının köməyi ilə özü müəyyənləşdirir.İnsan elə bu dünyaya göz açandan,həyatın şirin günlərini,xoşbəxt anlarını yaşayır.Təəssüf ki,kədər də qəfil qonğımız olur,bunu istəsək də,istəməsək də bu həyatın qanunudur.Bəli,insan dünyaya ağlayaraq gəlir və köç edəndə də ən yaxın adamları onun üçün göz yaşı tökərək son mənzilə yola salırlar.Bu həyatın yazılmış qanunudur.Kimsə nə vaxtsa tərk etməlidir bu dünyanı və ona yaxın olanlar hər zaman qəribsəyirlər onun üçün.Təəssüf...Həyatın şirinliyindən doyan olubmu görən?Təəssüf ki,bu sualın cavabını hələ heç kim tapmayıb...Gənclik-arzu,inam,igidliyə həvəs deməkdir.Gənclik-lirika və romantikadır,bu gələcək üçün tükənməz arzulardır.Bütün yaxşı əməllərin başlanğıcıdır.Həyat-isə ötən günlər yox,yadda qalan günlərdir.Həyat-nə tamaşa, nə də bayramdır.Həyat-çətin dərsdir və o,məzmununa görə qiymətləndirilir.Hamı çox yaşamaq istəyir amma heç kim qocalmaq istəmir.Təki insanın ruhu qocalmasın!Həyat qəribə və mürəkkəbdir,həyat yolu hamar deyil,yəqinki buda bir sınaqdır ki, hamımız bu yoldan keçməliyik.Bəli ömrün çətin və əzabli yolları var.Lakin insan şərəfli bir ömür yolu keçmək üçün Tanrının ona bəxş etdiyi qısa zaman çərçivəsində mübarizə aparır,arzuların qanadında çox şeylərə nail olmağa cəhd göstərir.Həyat yollarında səadət də var,qəm-qüssə də,çətinliklər də,maneələr də.Sadəcə həyatı sevmək və onun gözəlliyini duymaq lazımdır.Həyat bizə yaşamaq üçün verilib,biz isə çalışaq ki,onu mənalı yaşayaq...