Sevgilisi olmayanlar üçün yeni bir oğlan ilə tanış olmaq cəsarət və inam tələb edir. Bir oğlan ilə tanış olmaq üçün nələr edilə biləcəyini qadınlardan soruşduq. Budur qadınlardan sevgilisi olmayanlara işlərinə yarayacaq təkliflər…
Hər şeydən əvvəl bir sevgilinizin olması hədəfiylə çıxdığınız bu yolda özünüzə bir tarix qoyun və aşağıdakı maddələri diqqətlə oxuyun. Bəzi mərhələləri ötüb keçə bilərsiniz, əhəmiyyətli olan hədəfinizdən yayınmamaqdır. Yeni bir oğlanla tanış olmağın heç də çətin olmadığını görəcəksiniz.
"Bir sevgili istəyirəm" deyərək işə başlayın. Nə istədiyinizi bilmək sizə çox şey qazandıracaq.
Necə bir sevgili istədiyinizi qərar verin. Sevgili tapma yolunda qarşınıza çıxan, amma sizə uyğun gəlməyən kişilərə ilişib qalmaq zaman itkisindən başqa bir şey deyil. Köhnə sevgililərinizi düşünün. Ağlınızda qalan biri varsa və daima onu xəyal edirsinizsə, ən yaxşısı onu unutmaqdır. Yeni bir eşqə başlamaq üçün ürəyinizin boş olması vacibdir.
"İtirəcək heç bir şeyim yoxdur" kimi bir ideyanı əsas götürün.
Ətrafınızdakı hər kəsə, bütün yoldaşlarınıza "Artıq bəziləriylə tanış olmaq istəyirəm, mənə uyğun olacağını düşündüyünüz subay oğlan varsa, dərhal tanış etmənizi istəyirəm" deyin.
Görünüşünüzü mükəmməlləşdirin. Başınızı yüngülcə aşağıya, yana əyin və bir az seksual, bir az utancaq baxaraq gülümsəyin. Bu poza kişiləri cəsarətləndirəcək.
Qarderobunuzu yeniləyin. İçində özünüzü yaxşı hiss edəcəyiniz yeni paltarlar alın. Özünü yaxşı hiss edən bir insan ətrafına da bu enerjini saçır.
İki yoldaşınızı götürərək yemək yeməyə gedin. Xoşunuza gələn birini gördükdə, yoldaşlarınızın yanından uzaqlaşın və məkanı dolaşın. Baxışlarınız hədəfini tapdığında, onu ‘baxışlarınızla' vurun. Bu ona cəsarət verəcək və sizi tovlaması üçün fürsət yaradacaq.
Bədən dilinizi daha yaxşı istifadə etmək üçün bir teatr ya da bədən dili kursuna yazılın və öyrəndiklərinizi dərhal tətbiq etməyə başlayın.
Məzuniyyət mərasimləri, bir yoldaşınızın nişanı, ya da ananızın rəfiqəsinin oğlunun ad günü şənliyi və bu kimi hər cür dəvəti qəbul edin. Xüsusilə subay oğlanların çox olduğu mərasimləri qaçırmamalısınız.
Masanızın başında oturaraq birini tapa bilməzsiniz. Buna görə günorta yeməklərinizi ofisdə yemək əvəzinə adamların sıx olduğu məkanlara gedin. Bir kafedə, ya da bankda xoşunuza gələn birini gördüyünüzdə, yanında oturun və gözlərinizlə əlaqə qurun.
Kişi sayının qadınlara görə çox olduğu idman klublarına qoşulun. İdman etmək sizlik deyilsə, maraq sahələriniz arasında ən çox oğlanlarla qarşılaşa biləcəyiniz kurslara yazılın.
Facebookdan məktəb illərində çox sevdiyiniz uşaqları axtarın. Bir neçəsinə mesaj yazın, məktəb yoldaşlarınızı axtardığınızı və nə vəziyyətdə olduqlarını görmək istədiyinizi söyləyin.
Mümkün olan hər fürsətdə insanlarla söhbət edin. Liftdəki bir oğlanı gözünüz tutdusa, "Salam" deyərək sözə başlayın. Hara getdiyini soruşaraq söhbətə girişin.
Yoldaşlarınız vasitəsilə sizə mesaj yazan tanımadığınız oğlanların mesajlarını, ya da zəngini cavabsız qoymayın.
İdman salonunda salamlaşdığınız oğlanı xatırlayırsınızmı? Yenidən onun yanına gedin və səmimi şəkildə necə olduğunu soruşun. Tədqiqatlar, insanların özlərinə tanış gələn kəslərə daha çox sevgiylə bağlandıqlarını göstərir.
Üzvü olduğunuz bir təşkilatda yaraşıqlı bir oğlan varsa və sizdə də qrup üzvlərinin telefon nömrələri varsa, heç vaxt itirmədən bəyəndiyiniz oğlana zəng edin və növbəti təşkilatda görüşmək istədiyinizi dilə gətirin. Cəsarətiniz varmı? O zaman növbəti səfərə "Qısa bir gəzintiyə çıxmaq, ya da birlikdə qəhvə içmək istəyərsinizmi" deyə soruşun.
Həftə ərzində axşam vaxtı bir restorana gedin. Həftə sonları kişilərlə tanış olmaq şansı daha çoxdur.
Harada olursunuz-olun, oğlanlarla ünsiyyət qurmaq mövzusunda həmişə hazırlıqlı olun. Fürsət tapdığınız anda mövzuya müdaxilə edin. Əgər sizin xoşlamadığınız bir sahə üzrə belə danışırlarsa, çalışın o mövzuda xoş fikirlərinizi bildirin.
Bir yığıncaq təşkil edin və bir çox yoldaşınızı dəvət edin. Hər dəvət etdiyiniz adama da tanışını gətirməsini söyləyin. Heç bir namizədlə görüşməsəniz belə, ictimai ətrafınız genişləyəcək.
İşdən evə gedərkən, heç getmədiyiniz bir yerə gedin. Məsələn bir kafeyə və oradakılardan biriylə söhbətə başlayın. İnsanın öz rahatlıq sahəsindən çıxıb yeni bir mühitdə özünü göstərməsi daha asandır, bunu unutmayın.
İki gün əvvəlki şənliyə gələn yoldaşlarınızı axtarıb, onlara gəldikləri üçün təşəkkür edin. Bu hərəkət yeni yoldaşlarınızın hamısının sizi telefonun nömrə siyahısına qeyd etməsini təmin edəcək. Oğlanlara da sizinlə görüşmək təklifi etmək üçün bir fürsət verəcək. İş yerindən subay bir yoldaşınızla kiçik bir görüş nizamlayıb ikiniz də görüşməyə bir neçə yoldaşınızla gedin.
Marketdə, ya da bir ticarət mərkəzində bir müddətdir diqqətinizi çəkən bir oğlanla qəzaymış kimi toqquşun. Bu özbaşına söhbətə başlamaq üçün (əlbəttə üzr istəməyi unutmayın) yaxşı bir fürsətdir və bu toqquşma zamanı fiziki təmas daha da yaxınlaşmanızı təmin edər.
Edəcək heç bir şey tapa bilməyib evdə oturduğunuz zaman əsla ümidsizliyə düşməyin. "Bacaracağam" sözünü ağlınızdan çıxarmayın.
Cəsarətli bir qərar qəbul edin və birinin diqqətini çəkin. Restoranda masasına meyvə qabı göndərə bilər, ya da ona bir içki göndərə bilərsiniz.
Bir kişi geyim mağazasına gedib, yaraşıqlı oğlanları süzün. Əlinizə bir köynək götürüb yaxınlaşın və ona "Qardaşımın ad günü yaxınlaşır, sizcə bu necədir?" deyə soruşun. Bu zaman siz artıq oğlanla söhbət etmə mövzusunda bir professional kimi çıxış edəcəksiniz. Xoşladığınız bir oğlana telefon nömrənizi verməkdən çəkinməyin və sizə zəng etməsini söyləyin.
Telefonunuzu verdiyiniz oğlan sizi axtarmışsa və telefonda xoş bir söhbət reallaşdırmışsınızsa, onu bir qəhvə içməyə dəvət edin.