Duyğu xarici qavrayışlar mövzusunda araşdırmalarıyla tanınan Neyrobiologiya mütəxəssisi Dr. Sultan Tarlacı, “Fotonal üzərində aparılan kvant təcrübələrinə görə, gələcək və ya keçmişdəki beyinlərdən məlumat almaq ehtimal edilir” deyir. Dos. Dr. Tayfun Doğan da xoşbəxtlik üzərində apardığı təcrübələr nəticəsində, insanın xoşbəxt olmasında irsiyyətin vacibliyinə diqqət çəkir.
Duyğu xarici qavramalar və psixoloji bacarıqlar üzərində çalışan Nevroloji mütəxəssisi Dr. Sultan Tarlacı, gələcəkdə və keçmişdə ölən bütün insanların beyninə çataraq məlumat almağın, kvant təcrübələrinə görə mümkün ola biləcəyini vurğulayır.
Beynin elmi olaraq açıqlanmamış bacarıqları vardırmı?
Beyinin açıqlanmamış bacarıqları və sirrləri əslində çoxdur. Məsələn; bu gün üçün şüur dediyimiz şeyin ət beyindən necə yarandığını anlaya bilməmişik. Subyektivlik halını da tapa bilməmişik. Mənim gördüyüm qırmızı alma ilə səninki eyni deyil. Elmin bu gün üçün izah edə bilmədiyi hadisələrdən biri də duyğular xarici qavrayışdır. Buna görə şüur və ya niyyət kəllə xaricinə çıxır və ehtimal edilən müddətlərə də təsir edə bilir. Duyğular xarici qavramanın bir parçası olan əvvəldən bilmə və sezmənin necə olduğu bütünlüklə müəmmadır.
Təhlükələri hiss edə bilir
Duyğu xarici qavrayışlar mövzusunda araşdırmalarınızla tanınırsınız. Bir nevroloq olaraq sizi bu təcrübələrə çəkən nədir?
Uşaqlığımdan bəri söylənilən “ cin vurdu, dua, əvvəlcədən yuxusunda gördü, məzarında alov göründü, at üstündə zirehli və əlində nizəli adamlar gördüm…” kimi şeylərə həmişə şübhə ilə, amma bir o qədər də maraqla baxırdım.
Peşəkar maraq isə 2009 da Stephan Schwartz ilə tanış olmağımdan başladı. Uzun illər Amerika Müdafiə Nazirliyinə bağlı uzaqdangörmə-safgörüntü üzərində işləmiş, araşdırmış, yazmış biridir. Daha sonra aldığım ilhamla niyə ölkəmizdə belə bir qrup yoxdur deyib, internet üzərində bir qrup qurdum. Yuxuları və xüsusi bacarıqlı şəxslərdən safgörüntülərini toplamağa başladıq. Qeydə aldığımız bir çox hadisə də gördük ki, insanlar gələcəkdəki təhlükələri əvvəldən sezə bilir.
Keçmişdən məlumat ala bilərik
Dünyada aparılan son təəccübləndirici beyin araşdırmaları nələrdir?
2014 –cı ildə Dean Radinin niyyətin fontonları bir istiqamətdə yayındırması məncə ən vacib və təəccübləndirici araşdırmadır. Fizika jurnalında dərc olundu, ancaq təsiri olmadı. Çünki yenilənən elmi biliyə zidd durumdur. Bunun xaricində həmişə kvant məkanı dolaşıqlığı bilirdik, artıq zamanda kvant dolaşıqlıq anayışı da meydana çıxarıldı. Bu dolaşıqlıq həqiqətdirsə, gələcəkdə və keçmişdə ölən insanların beyinlərinə çatmaq və məlumat almaq mümkün ola biləcəkdir.
Xoşbəxtlik 100 –də 50 genetik
Xoşbəxtliklə bağlı apardığı akademik təcrübələrlə tanınan Üsküdar Universteti Psixologiya bölümündən Dos.Dr. Tayfun Doğan, xoşbəxtliyə təsir edən faktorları, genetik, həyat şərtləri və məqsədli fəaliyyətlər olmaqla üç başlıqda toplayır. Dr. Doğan dünyada xüsusilə əkizlər üzərində aparılan araşdırmaların, xoşbəxtlikdə genetik faktorların müəyyənləşdirici olduğunu isbatladığını vurğulayır.
Pul 100-də 10 təsirlidir
Dos.Dr. Doğana görə, genetik faktorların xoşbəxtlik üzərindəki təsiri təxminən 100-də 50-dir. Bu nəticə bir az bədbin olsa da, xoşbəxtliyi müəyyənləşdirən digər 100-də 50-lik hissə bir az daha bizim nəzarətimizdədir. Həyat şərtləri adı verilən ikinci qrup faktor, xoşbəxtliyi 100-də 10 faizlə təsir edir. İnsanların böyük əksəriyyəti xoşbəxt ola bilmək üçün bu faktorlar üzərində duraraq bu şərtləri yaxşılaşdırmağa çalışır. Məsələn; “ varlı olsam xoşbəxt olaram” deyir. Halbuki ekonomik şərtlərin dəyişdirilməsi xoşbəxtlik üzərində ən çox 100-də 10 faiz təsirlidir.
Araşdırmalar orta səviyyədə bir gəlirə sahib insanların, gəlir səviyyəsi az, kasıb insanlara görə daha xoşbəxt olduqlarını qeyd edir. Ancaq orta səviyədə gəlirə sahib insanlarla çox yüksək gəlirə sahib insanlar arasında xoşbəxtliklə əlaqəli ciddi bir fərq görünmür.
100-də 40 yardımsevərlik
Geriyə xoşbəxt olmaq üçün 40-lıq bir ehtimal qalır.Yəni məqsədli ömür fəaliyyətlərindən əldə ediləcək xoşbəxtlik “ bu qrupdakı fəaliyyətlərin genetik faktorlar və həyat şərtlərindən fərqi isə nəzarətin böyük səviyyədə bizim əlimizdə olmasıdır” deyən Dr.Doğan, xoşbəxt olmaq üçün bu 100-də 40-lı sahədə fəaliyyət göstərməmizin daha məntiqli olduğunu qeyd edir. Bəs məqsədli həyat fəaliyyətlərinin əhatəsində nələr var? Yaxşılıq, heysiyyat, yardımsevərlik, şəxslər arası münasibətdə məmnunluq, dini inacların şərtlərini yerinə yetirmə, məşq etmə, əfv etmə və sağlam ailə münasibətləri, məqsədli fəaliyyətlərin əhatəsindəki faktorlardır.